الطالبة روضة ضحية اعتداء زميلتها بمدرسة سراي القبة بنات تكشف مفاجأة: فكراني ببص لصاحبها| خاص
كشفت التحقيقات في القضية رقم 365 جنح الطفل والمتهمة فيها الطالبة ش. هـ بالتعدي على زميلتها روضة. ع وإصابتها بآلة حادة بأكثر من 40 غرزة في الوجه، داخل مدرسة سراي القبة بنات بمنطقة الزيتون بالقاهرة، تفاصيل الواقعة.
الطالبة روضة ضحية اعتداء زميلتها بمدرسة سراي القبة بنات تكشف التفاصيل
ويستكمل القاهرة 24، نشر التحقيقات في القضية حيث قالت روضة. ع ضحية زميلتها مدرسة سراي القبة بنات: أنا كنت واقفة قدام المدرسة وهي عدت من جنبي وكان معها ولد تاني وبعد لما عدتني لقتها رجعتلي وبتقولي أنت بتبصي ليه عليه وبتشاور على الولد اللي معاها وأنا قلتلها أنا مبصتش عليه.
س: ومن الشخص الذي كان برفقة المشكو في حقها شهد هـ آنذاك؟
ج: أنا معرفوش.
س: هل له هناك علامات مميزة في الشاب؟
ج: الشاب لونه قمحي وشعره طويل من فوق وحلقة من الجنب شوية وشعره مصفر وطويل شوية بس مفيش حاجة معينة.
س: هل شوفتي سالف البيان رفقة المشكو في حقها قبل حدوث الواقعة؟
ج: لا أنا أول مرة أشوفه النهاردة.
س: وما سبب التعدي عليك؟
ج: شهد مسكت فيا علشان فكراني بصيت على الولد اللي معاها
س: صفي لنا كيفية حدوث التعدي عليكي وحدوث إصابتك؟
ج: هي أول حاجة البنت اللي اسمها شهد.هـ جت قالتلي أنت بتبصي عليه ليه فأنا قلتلها أنا مبصتش على حد راحت ضربتني في صدري وقالتلي لا أنت بصيتي فانا زقتها في صدرها وقلتلها لا أنا مبصتش عليها وساعتها الولد اللي معاها ده جه وراح شنكلني فأنا وقعت على الأرض راحت شهد وأنا بقوم راحت طلعت كتر وعورتني بيه.
س: وكم ضربة كالتها لكي المشكو في حقها / شهد هـ آنذاك؟
ج: هي ضربتني ضربة باليد وضربة ثانية بالكتر.
س وأين استقرت تلك الضربات تحديدًا؟
ج: ضربتني بالإيد في صدري من غير إصابة وضربة بالكتر جت في وشي اللي عملت إصابتي.
س: هل صدر عن المشكو في حقها ثمة عبارات قبل او حال تعديه عليك؟
ج: لا
س: صفي لنا تحديدًا السلاح الذي استخدمته المشكو في حقها / شهد همام في التعدي عليكي؟
ج هو كان سلاح كتر.
س: ومن أين تحديدًا تحصلت المشكو في حقها على ذلك السلاح؟
ج: أنا معرفش بس هي طالعته من جيبها.
يذكر أن محكمة الطفل قررت تأجيل محاكمة الطالبة شهد المتهمة بالتعدي على زميلتها بمدرسة سراي القبة بنات، وإصابتها بجرح قطعي في الوجه بمعاونة صديقها، لجلسة 4 مارس المقبل.
وحضر سيد رضا المحامي دفاع الطالبة روضة. ع ضحية زميلتها مدرسة سراي القبة بنات مع المجني عليها وطالب بعرضها علي الطب الشرعي لبيان ما بها من اصابات.
