أحمد زعيم عن تعاونه مع وليد منصور: كنت محتاج حد يفكر بره الصندوق.. وبينا حفلات كتير الفترة الجاية
تحدث المطرب والملحن أحمد زعيم عن تعاونه مع المنتج وليد منصور، إذ أكد أنه كان لديه رغبة في أن يقدم له أحد أفكارًا خارج الصندوق، وأن هذا التعاون سيؤتي ثماره قريبًا، خصوصًا أنه سعيد بهذا التعاون.
وقال أحمد زعيم في ندوته مع القاهرة 24: بعد تعاوني مع وليد منصور حاسس إن ربنا هيكرمني لأن عنده شغل بيتكلم عنه سواء أكان في الحفلات أو الأعمال اللي بيقدمها.
وأضاف أحمد زعيم: كان معايا إدارة كويسة ولكن لازم تخبطي على كل الأبواب، وليد منصور من الناس اللي بتفكر برا الصندوق، وأنا محتاج حد يقولي نجرب لون معين ويقترح عليا ويختارلي، وبينا حفلات كتير الفترة الجاية.
أعمال أحمد زعيم
يذكر أن أحمد زعيم طرح مؤخرًا أغنية هد حيل عبر موقع الفيديوهات الشهير يوتيوب، وهي من كلمات محمد يونس، وألحان أحمد زعيم، وتوزيع أحمد المغربي، وهي مزيجًا بين الدراما والنوستالجيا.
كلمات أغنية هد حيل
وجاءت كلمات أغنية هد حيل، كما يلي: طالت السنين، له سنين غايب علينا، ودارت السنين كنا فين وفين بقينا، ليل يا ليل بعده هد حيل، والفراق غربة وليل طويل، رُوح يا ليل قوله مالوش بديل، ليه يا ليل بختي معاه قليل آه، حبل الود داب في الغياب وإتنسينا، ولا هيجي يوم نلاقيه بين إيدينا، لينا بعده مين غيره مين يملى عنينا، واقف الزمان والمكان فاضي بينا.
