محمد رمضان: الجمهور بطل برنامجي مدفع رمضان.. وكنت محروم من الناس بسبب ضريبة الشهرة
تحدث الفنان محمد رمضان، عن برنامجه الجديد مدفع رمضان، المقرر عرضه عقب أذان المغرب مباشرة خلال موسم رمضان 2025، عبر شاشة قناة DMC.
وقال محمد رمضان في مداخلة هاتفية مع برنامج مساء DMC: أنا كل سنة بقدم مشروع بطولتي، السنة دي بقدم مشروع بطولة الناس، لأول مرة الناس هي النجم وهي البطل وده أقل واجب نقدر نقدمه للشعب المصري، إحنا قررنا ننزل نفرح الناس، الناس فرحونا كتير وهما اللي صنعوا أي نجم وأي رمز من رموز مصر، والفكرة معمولة بصدق شديد ومحبة حقيقية.
وتابع محمد رمضان: نظرًا لأن بلدنا كبيرة وعددنا كبير ومساحتها كبيرة جدًا، عملنا عربيات اسمها عربيات الفرحة هما بيغطوا الأماكن اللي أنا مقدرتش أوصلها، لأننا لو رحنا كل شبر في مصر عايزين برنامج 3 مليون حلقة، وأنا يسعدني ويشرفني أني أكون مع الناس في الشارع في برنامج مدفع رمضان، لأن أنا كنت محروم من أني أكون في وسطهم بسبب ضريبة الشهرة والشغل، وأنا اتبسطت أكترمنهم أني عرفت ألمسهم وأقرب منهم، الناس بسيطة وعلى سجيتها وإحنا أخف دم شعب في الحياة، إحنا طول الأيام بنضحك والناس راضية وسعيدة وأبطال.
أما عن قصة الجوانتي الخاص به، الذي فقده خلال تصوير برنامجه مدفع رمضان، فعلق محمد رمضان قائلًا: كتير بيكتبوا أنهم لقوه علشان يحصل تواصل ولكن للأسف لسه مالقيناهوش، والمصحف كان بيبقى في شنطتي من وأنا في ثانوي وكان بيبقى معايا وأنا رايح أي مقابلة فرقت في حياتي بشكل كبير، كان معايا في معظم رحتلي، ولكن هو شيء رمزي لأن القرآن موجود في كل مكان، ولكن ده تحديدًا كان له معايا ذكريات.
