شاب يبتكر فكرة مشروع صغير بتكلفة بسيطة للقضاء على البطالة

أقترح شاب يدعى كريم السيد فكرة مشروع صغير للشباب العاطلين عن العمل للقضاء على البطاله المنتشرة في مصر.

وقال كريم في تصريحات خاصة لـ”القاهرة24“، إن فكرة المشروع الصغير هي تطوع مني لتعليم الشباب مهنتي وهي “الجرافيك” ويمكن في يوم من الأسان أقدر اتحدى العالم بالشباب اللي معايا دول وبمهنتهم العظيمة.

وأوضح كريم في تدوينه نشرها على صفحته الشخصية بموقع التواصل الإجتماعي “فيس بوك”، “إن شاء الله في يوم من الأيام هعمل حاجة يمكن هتقضي على جزء كبير من بطالة البلد دي , هعلم الشباب العاطل مهنتي اللي أعرفها ( الجرافيك ) .. هيتعلموا الفوتوشوب والاليستريتور والانديزاين وكمان هيكون فيه بعد كده مرحلة الـ 3D ومش هيتعلموا البرامج بس لأ .. دول هيتعلموا ازاي يحترفوا التصميم ويمكن وقتها اعرف اطلعهم تدريب في شركات كبيرة , وبما ان الشباب معظمهم عندهم مطب كبيير اوي إسمه الفقر فالحاجات دي كلها هتتعمل ببلاش وعلى مستوى عالي من الاحتراف اذا شاء الله وقدر او يمكن هيكون بسعر رمزي جداا ومين عارف يمكن نعمل شركة كبيرة مساهمة بيني وبينهم ( انا والتيم بتاعي هنعلمهم _ وهما هيشتغلوا ويمسكوا شغل كبير ويصرفوا جزء من ربحهم على شركتهم ) وطبعاً زي ما انا هعلمهم ببلاش هما لازم كمان يعلموا الدفعات الجديدة ببلاش . أنا همسك أول دفعتين تلاته لحد ما اتطمن عليهم وهما يكملوا المشوار والدفعات القديمة تسلم الدفعات الجديدة , زي نظام الجيش كده بس المره دي هيكون جيش بيحبوه , جيش هيبني مستقبل جديد, ماهو لازم نتعلم ان مش كل شئ يلا نفسي لأ .. عشان احنا فين من حديث رسول الله لما قال ” أحب الناس إلى الله أنفعهم، وأحب الأعمال إلى الله عز وجل سرور تدخله على مسلم، أو تكشف عنه كربة، أوتقضي عنه ديناً، أوتطرد عنه جوعاً، ولأن أمشي مع أخي المسلم في حاجة أحب إلي من أن أعتكف في المسجد شهراً، ومن كف غضبه ستر الله عورته، ومن كظم غيظاً، ولو شاء أن يمضيه أمضاه، ملأ الله قلبه رضى يوم القيامة، ومن مشى مع أخيه المسلم في حاجته حتى يثبتها له، أثبت الله تعالى قدمه يوم تزل الأقدام، وإن سوء الخلق ليفسد العمل، كما يفسد الخل العسل. ” صدق رسول الله”.

وأكد كريم “ومين عارف يمكن أتحدى العالم بيهم .. وأكيد هنكسب يعني مش هنسقي رغيف العيش في كوباية الشاي !! وهنكسب كتييير كمان بس الفرق بيني وبين الناس التانية إن انا واللي معايا هنكسب من شغلنا لكن مش هنكسب من تعليم الناس ومش هنمص دم الشباب الغلبان اللي مش عارف يتعلم مهنة ولا “عارف يتجوز ولا عارف يتنيل على عينه بسبب ان محدش بيساعد الصغير”.

واختتم كريم تدوينته وقال “احنا عندنا كتير وجوانا افكار والله ممتازه بس اللي يقف وراها ويدعمها انا هبدأ من هنا وبنفسي وماليش دعوه بغيري ومين عارف”