عمرو أديب: “الإسرائيليين بيهاجموا فيلم الممر علشان عورهم وعلم عليهم”
علق الإعلامي عمرو أديب، على هجوم صحيفة هآرتس الإسرائيلية، على فيلم “الممر”، في المقالة التي تساءل فيها صاحبها عن سبب صناعة مصر فيلم يخلق العداوة مع الإسرائيليين ويذكرهم إن عدوهم الأول والأخير هو إسرائيل.
وقال عمرو أديب، خلال برنامج “الحكاية”، المذاع على قناة “MBC مصر“: “الإسرائيليون بيهاجموا فيلم الممر عشان عورهم وعلم عليهم، وجايين دلوقتي يقول احنا أصدقاء، ايه الداعي للفيلم؟”.
وأضاف: “وإيه الداعي للأفلام عن تفوق الجيش المصري على إسرائيل، والفيلم اللي عملتوه عن أشرف مروان؟ وحقرتم الجيش المصري وجهاز مخابراته، لما المصريين يتكلموا.. إسرائيل تقول ليه كده؟..تاريخ نحكيه لأولادنا، مثل ما بتحكي تاريخكم”.
واختتم أديب: “أنتم بتحكوا لولادكم انجازتكم واحنا كمان بنحكي لأولادنا لما حصلت النكسة في 67 وقدرنا نقف على رجلينا وبعد كده قدرنا نعبر في 73.. بنحكى لولادنا تاريخنا”.
شاهد عمرو أديب يعلق على الهجوم الإسرائيلي على فيلم «الممر»
أحمد عز يكشف لـ”القاهرة 24″ كواليس وصعوبات تصوير فيلمه الجديد “الممر” (فيديو)
وشارك في بطولة الفيلم كتيبة ضخمة من النجوم هم: أحمد عز، وأحمد رزق، وإياد نصار، وأحمد فلوكس، ومحمد فراج، وأحمد صلاح حسني، ومحمد الشرنوبي، ومحمد جمعة، ومحمود حافظ، وأمير صلاح الدين، وأسماء أبو اليزيد، والوجه الجديد ألحان المهدي، كما يضم الفيلم هند صبري، وشريف منير، وإنعام سالوسة، وحجاج عبد العظيم كضيوف شرف، وألّف الموسيقى التصويرية للفيلم الموسيقار عمر خيرت، وقام بتصوير الفيلم مدير التصوير أيمن أبو المكارم وتصميم الديكور المهندس باسل حسام، وهندسة صوت أحمد عبد الخالق، وتم الاستعانة بمصممي معارك حربية ومشاهد أكشن بفريق عمل أمريكي.
