بعد ساعات من الاعتزال.. أحمد حسن وزينب يعلنان عودتهما: “عشان المتابعين” (فيديو)
أعلن اليوتيوبر أحمد حسن وزينب عودتهما لبث فيديوهات مرة أخرى، وذلك بعد ساعات من إعلان اعتزالهم عمل الفيديوهات.
وقال أحمد حسن، من خلال فيديو نشره عبر صفحتهما على موقع التواصل الاجتماعي “فيس بوك”، “خدنا القرار الصح وهنكمل عشان أهلنا ونفسنا والمتابعين.. ولو فيه واحد بس عاجبه المحتوى بتاعنا هنكمل”.
ووجهت زينب رسالة للشباب بالمعافرة من أجل الأحلام، بقولها: “لو عندك حلم حتى لو بسيط، إنت ممكن تكسر الدنيا بيه، بلاش تسمع لحد هو بيحبطك لإنه كان نفسه يبقى مكانك ومش عارف”.
وطالبت متابعي أحمد حسن وزينب، من عدم الالتفاف لمن يهاجمونهم بقولها: “بلاش لما حد يجي ينتقدنا عشان عاوز يقلدنا ومش عارف، تشيرله.. بلاش تشيروله”.
“مش هنظهر تاني”.. أول رد من أحمد حسن بعد صورته الجريئة مع زينب (فيديو)
في أول رد منه، علق اليوتيوبر الشهير أحمد حسن على الانتقادات التي وجهت له في الساعات الأخيرة، بعد ظهوره مع زوجته زينب، في أحد حمامات السباحة بدبي وبجانبه شقيقه، مما أستفز الجمهور.
بعد الهجوم عليهما.. أحمد حسن وزينب يغادران مصر (صورة)
وظهر حسن في فيدو نشره على قناته الرسمية، بموقع “يوتيوب”، تحدث فيه لمدة مايقرب من خمسة عشر دقيقة، عن المشكلات التي واجهته والشتائم والإهانات، التي تلقاها عقب نشره صورة جريئة مع زوجته أثناء تقبيلها في حمام السباحة.
بعد ثورة الهجوم عليه وإعلانه عدم الظهور.. قصة هاشتاج أحمد حسن الذي تصدر ترند “تويتر” (أضغط هنا)
وقال حسن في الفيديو:” أحنا أسفين جدا، بنعتذر لكم، فوق ماتتخيلوا على أي حاجة أحنا عملناها، أنتو شايفنها صح أو غلط، في الفترة دي أحنا في حالة سيئة ، دلوقتي في أكبر مرحلة من مراحل الحالات النفسية”.
وأضاف: “ودا بسبب أنتقادات كتيرة جدا بنواجهها، من أول ما بدأنا بتنتقدونا، عملنا فيديوهات دينية بتنتقدونا، ترفيهية بنتقدونا، عائلية بنتقدوها، ليه دايمًا بتتقدونا؟؟، مش فاهم ليه حتى اللحظات الحلوة اللي في حياتنا بتنتقدونا، في الحلو والوحش”.
https://www.youtube.com/watch?v=Fi8SeWVugd8
أحمد حسن وزينب.. مقلب جديد يقود أخته إلى حالة إغماء
وتابع؛” مبقناش عارفين، أنتو بتنتقدونا عشان بنعمل حاجات وحشة، ولا لمجرد الانتقاد مش أكتر؟؟، عايزين نفهم دا، في البداية لما حبينا بعض واتخطبنا، كنا زي اي اتنين مخطوبين بننزل صورنا، الناس كلها قعدت تتريق على الصور وعلينا، وقلب على تريقة على الأشخاص مش المحتوى”.
وبعد حديث دام لربع ساعة، أختتم:” أحنا تعبنا ياجماعة مش قادرين نكمل، مش هنزل صور تاني على السوشيال ميديا، مش هنظهر تاني، وعارف دي حاجة هتبسطكم، إفرحوا زغرطوا، للسنة الجاية، محدش هيشوف خلقتنا تاني”.
وأستكمل:” الموضوع وصل لـ إن الناس بتشتمنا بالأب والأم، وبالأهالي وشتيمة وقلة أدب، بتحصل في حقنا، أنا عايزكم في الكومنتات اكتبو مبروك انهم مش هيبقوا موجودين، إعملوا صور واتريقوا علينا، شكراً وأحنا أسفين على كل حاجة، خلاص وصلنا لحالة نفسية صعبة”.
يذكر أن اليوتيوبر أحمد حسن، أثار الجدل للمرة الثانية بعد ظهوره مع زوجته بدولة الإمارات، داخل أحد الفنادق في حمام السباحة ومع شقيقه ، لينشر صورة أخرى يُقبل فيها زوجته على الطريقة الأجنبية مما أستفز جمهود السوشيال ميديا.
كما قام أعضاء جروب “دندشة” الخاص بالفتايات، بعمل حملة ضد اليوتيوبر وزوجته، لغلق القناة الرسمية له على موقع يوتيوب، فبدأ التفاعل حيث نقص عدد متابعينه، وذلك نتيجة للجدل الذي يثيره.
