اتجوزت وعرفت رجالة حلوة.. فتاة ترد على ريهام سعيد بجلسة تصوير (صور)
نشرت مها منيب سيدة على موقع التواصل الاجتماعي “فيس بوك” جلسة تصوير كاملة، للرد على إدعاءات الإعلامية ريهام سعيد ، بخصوص التهكم على أصحاب الوزن الزايد، معتبرة أن جلسة التصوير لشخصية مثلها زائدة في الوزن بنفس توصيفات ريهام سعيد لم يكن أبدا يعيبها.
وقالت مها في تدوينة على صفحتها الشخصية على “فيس بوك”: أنا ست تخينة من وجهة نظر ريهام سعيد بس أحب أوضح :”عمري ما كانت التخينة عبئ على المجتمع أنا ست مكافحة وبشتغل من وأنا 16 سنة ناجحة في حياتي وفي شغلي ومحققة حاجات كتير في حياتي”.
وأكملت الفتاة:”أنا ست ارتبطت واتجوزت وعرفت رجالة حلوة عمري ما كان الراجل اللي أنا بعجبه راجل تخين عشان تتساوي المقاسات خالص، وأنا بمشي شكلي مش مقزز أنا حلوة في كل حالاتي كونك محدودة النظر دي مشكلة أي حد عنده ضعف نظر وثقافة”.
وتابعت الفتاة:”أنا حلوة بمقايسي وبهين أي حد يتعدي حدوده معايا علي أي مستوي ليا شخصيتي المستقلة وقراراتي وكبيرة وواعية وبعرف اتحمل مسئولية اختياراتي، أنا بنت بـ١٠٠ راجل، عندي صحاب ما تعرفيش تحصري عددهم، أنا مش ميتة أنا بخرج وبلبس أحلي لبس وبنزل البحر وبلبس مايوهات وعايشة سني الطبيعي”.
وأرفت الفتاة:”أنا بحارب نظرتك كإعلامية محدودة العلم وضعيفة الثقافة ومحبطة وبحارب أي شخص يتعدي مستوي النقاش أو فاشل في اختيار المسميات زيك، العيب مش في جهل الستات اللي ما بتعرفش تلبس العيب أنك إعلامية فاشلة بتهدي ثقتهم في نفسهم عشان يعملوا عمليات يخسوا عشان تخدمي أهدافهم الشخصية وتزودي رصيدك في البنك”.
إعادة تأهيل للإعلامية
وقالت الفتاة:”أنا حلوة ولو ده مش عاجبك لازم يتعملك إعادة تأهيل في ثقافتك، راجعي صوري وأحرقي دمك وإعرفي إنك إنتي اللي جاهلة، مش مضطرة أبداً أقولك أسباب أنا ليه تخينة ولا وزني زايد عشان مش من حقك تسألي فيه، وبسبب أمثالك عملتوا لأمي عقدة في حياتها من إن عندها بنت وزنها زايد”.
وأكدت الفتاة:”وبسببك كتير من أمهات حياتهم مدمرة عشان طاقة الجهل اللي بتصدريها ده بدل ما تقومي بدورك بحملة وعي محترمة للأمهات إزاي تتعامل مع عيالهم، وكلامك لو أنا ضعيفة يقتلني مش يخليني أحسن من ظروفي الصحية ويقتل أي لم بنتها أو إبنها عنده وزن زايد، وأخيراً شكرا للفنانة إنچي وجدان لردها بشكل مهني وذكي ومحترم”.
ريهام سعيد ترد على أحمد حسن: “إنت بتزيط في الزيطة” (فيديو)
جنح الجيزة تحدد جلسة عاجلة لمحاكمة ريهام سعيد بتهمة ازدراء المصريين وتكدير السلم العام (نص المحضر)
