مرتضى منصور: “أنا ممكن العب فى إسرائيل ومش هلعب فى قطر دول خونة”
أنهى مرتضى منصور ، رئيس نادي الزمالك، الجدل الدائر حول سفر لاعبى الزمالك إلى دولة قطر لخوض مباراة السوبر الإفريقي، قائلا:” بالنسبة لماتش السوبر الإفريقى كلام غير قابل للنقاش وقرار صادر من مجلس الإدارة لو السما انطبقت على الأرض مافيش حد من ولادي هيروح قطر”.
وتابع مرتضى منصور، فى مداخلة هاتفية لقناة الحدث اليوم، خلال برنامج خالد الغندور، أن هناك صحفياً أكد أن قطر ليس لديها عدو غير مرتضى منصور، متابعاً:”أنا مش هلعب فى قطر ولو الاتحاد الإفريقى عايز يعمل مشاكل فأهلا بالمشاكل”.
مرتضى منصور لـ”الخطيب”: “أنت دكر ولو لعبت ماتش الجونة قدم استقالتك”
وأكمل مرتضى منصور:”ولو عايزين الماتش فى تونس أهلا وسهلا بالرغم من أنه بلد الفريق الثاني، ولكن اروح قطر اللى بتحرض على قتل ولادنا أروح قطر اللى بتسب رئيس جمهوريتي، يعنى أروح عشان أخد صفيحة وأرجع، أنما عشان أرمي ولادى إلى التهلكة واروح بلد لا أمان لها مش هيحصل، العب السوبر في أي مكان حتي لو إسرائيل”.
وأضاف مرتضى منصور:”حمد نفى ابوه وتميم نفى ابوه ودول بيخونوا نفسهم مش هيخونوا شعب مصر، رفضت نروح كأس العالم للأندية فى كرة اليد قولت مش هروح، وبقول للاتحاد الإفريقى فوق مش هنروح قطر”.
