حمو بيكا يعتذر لـ”هاني شاكر”: “في شباب نفسها تتجوز وتكون نفسها وتقدم فن الناس بتحبه” (فيديو)

قدم مطرب المهرجانات حمو بيكا ، اعتذاره للفنان هاني شاكر، للمرة الثالثة، بعدما اقتحم مقر نقابة المهن الموسيقية منذ أربعة أيام، اعتراضا على عدم إعطاءه تصريح بالعمل، وذلك خلال فيديو نشره على صفحته الرسمية بموقع “فيس بوك”.

وقال:”أنا بتأسفلك يا أستاذ هاني شاكر أنت أمير الغناء العربي، وأنا مكنش قصدي إني أزعلك، كان كل هدفي إني أكل عيش، أنا معايا 20 فرد بياكلوا عيش، ناس فاتحة بيوت وبتصرف على عائلاتها”.

وأضاف:”أنا اللي خلاني تضايقت ونزلت الفيديو أني لفيت 8 ساعات، وشغلي كله كان واقف، وأنا إللي كنت عايز أعمله  أمشي قانوني وأعمل تصريح، وأنزل أشتغل ومكنش قصدي أني أزعلك أو أعمل حاجه”.

حمو بيكا يكشف الأسباب التي دفعته للهجوم اليوم على نقابة المهن الموسيقية (فيديو)

واستكمل:”أنا بحبك وإحنا عيالك يا أستاذ هاني، أنا كان كل هدفي أني صوتي يوصلك، وقدام الناس كلها بقولك أنا أسف ليك، ولو عايزني أجيلك أو أطلع على الهواء أتأسفلك هطلع، أنا بقالي 6 شهور واقف عن العمل”.

وتابع:”الناس اللي معايا مقدرش أمشيهم، إحنا نروح فين دي بلدنا وأخترنا فن الناس بتحبه، وبتفرح بيه عمرنا ماضايقنا حد، وقدمنا محتوى تاني وبقينا ناخد بالنا من الكلام، وبقيت بنقي الكلام الصح”.

اعتذار حمو بيكا

وأختتم: “في شباب نفسها تتجوز وتكون نفسها، كان يهمنا أننا نشتغل بالحلال، وأنا تعبت وكافحت، أبويا رباني وطلعني مقولش لحد عايز حاجه، وبنيت المكان اللي بقيت فيه بعد سنين كتيرة، كان حلمي إني أعمل حاجة والحمد لله حققت نسبة نجاح كبيرة، وبقى ليا أطفال وشباب وبنات كتيرة بتحبني”.

واقتحم مطرب المهرجانات يوم الأحد الماضي، مقر نقابة المهن الموسيقية، وتعدى لفظيا على أعضاءها بعدما رفضوا إعطاءه تصريح لإحياء حفل، وأدعى أنهم طالبوه بمبلغ قدره 400 ألف جنيه لكي ينضم للنقابة، وبعدها أصدرت النقابة بيان أستنكرت مافعله وقالت إنها أتخذت كافة الإجراءات القانونية اللازمة ضده.

حمو بيكا يطالب بفتح شعبة لمطربي المهرجانات بنقابة الموسيقيين (فيديو)