بعد سما المصري.. رضوى الشربيني ترتدي الحجاب على الهواء (فيديو)
ارتدت الإعلامية رضوى الشربيني ، الحجاب على الهواء، ضمن حلقة اليوم الجمعة، من برنامجها “هي وبس” الذي تقدمه على قناة CBC سفرة.
واستضافت رضوى الشربيني خلال الحلقة مصممة الطرح صباح مجدي، والتي قدمت العديد من النصائح بشأن طريقة اختيار الإيشارب المميز مع الملابس، حيث ارتدت الإعلامية إيشارب لتجربته معلقة على مظهرها بالقول “إيه ده.. حلو أوي صح”. تابعت: يارب يكتبها.. يارب أبقى محجبة”.
يذاع برنامج “هي وبس” من الخميس إلى السبت في تمام الساعة السادسة مساءً.
وكانت الفنانة الاستعراضية سما المصري، قدر إرتدت الحجاب خلال حفل افتتاح مهرجان القاهرة السينمائي في الدورة الحالية الـ41.
دي سنة الحياة.. رضوى الشربيني تعلق على زواجها من ملياردير مغربي
وفي وقت سابق، علقت الإعلامية رضوى الشربيني، على شائعة زواجها من ملياردير مغربي، التي نشرها البعض، وذلك من خلال ظهورها في بث مباشر، بصفحتها الرسمية على “فيس بوك”.
وقالت رضوى في الفيديو: ” بصوا ياجماعة أنا قولتلكم، إني يوم ما أفكر أتجوز أو أرتبط أو أي حاجة، فأنا أكيد هقولكم وأخذ بأرائكم، زي ما نتوا بتعلموا لأنكم عائلتي، فلو هتجوز أو كده هكون باخد رأيكو مش بعرفكو، اتجوزت ملياردير مغربي أو غيره”.
وتابعت: “دي شائعة زي شائعة زي ما قالو 18 مرة أتجوزت و3000 مش عارفة إيه، في حد صحفي منزل صورتي على صفحته وبيقول ها أقول إتجوزتي مين واتجوزتي عرفي، والله خلينا ساكتين عشان مش هيملي عيني، فأنا عايزة أقول بس لـ أي حد بيقول إني اتجوزت رسمي أو عرفي، فلو أنت راجل واللي في وشك دا شنب، أطلع قول رضوى الشربيني اتجوزت وهات ورقة”.
وأضافت: “عيب الخوض في أعراض الناس كدا، أنا بكلمك أنت عندك مراتك وأختك، ومراتك دخلت تكتبلك تعليق، وتقولك أنا عارفة هي اتجوزت مين، محسسني إنكم معايا في البيت يا حرام، فأطلع أنت والمدام قولوا أنا اتجوزت مين عرفي، والشهود أهم وفي الحتة الفلانية”.
وقالت: “أتقي ربنا وخلي عندكوا شوية دم، لأن دي إسمها خوض في أعراض الناس، وقولها رسمي، وبعدين إيه يعني لما أتجوز دي سنة الحياة، ولما أجي اتجوز المرة الجاية هقولكم وأوريكم الـ”Cv”، ومبعرفش أخبي، وأنا ست بميت راجل، عيب أنا رضوى الشربيني ولو أتجوزت هقول هعمل يافطة”.
واختتمت: “مين هو الملياردير المغربي، أنا متعزمتش لأني معرفش هو فين أصلا، في المغرب مثلا، فلو كان محترم وكده ميمنعش عادي يعني قولولي ياجماعة”.
