تامر حسني يكشف سبب رفضه إنتاج شقيقه حسام لأعماله الفنية (صورة)

كشف النجم تامر حسني، سبب رفضه طوال الفترة الماضية، تولي شقيقه حسام مهمة إنتاج أعماله الفنية، وذلك من خلال نشره صورة جمعتهما ببعضهما، على حسابه الشخصي بـ”انستجرام”.

وروى تامر ملابسات هذه القصة، حيث علق على الصورة قائلًا: “الصورة دي والفرحة اللي في ضحكة حسام أخويا لازم أكلمكم عنها، دا حسام أخويا الكبير كان نفسه يدخل عالم الإنتاج الفني من 5 سنين وينتج لي وانا الحقيقه كنت دايما برفض وكان بيزعل مني”.

وأضاف: “كنت دايما بشرح له أنه لازم يدرس السوق الأول وميعتمدش عليا ويفهم ويذاكر كتير أوي مش عشان ينتج لا، عشان يكون منتج شاطر وفعلاً عمل كدا واستوعب كلامي، وبدأ يتفرج ويتابع كل اللي بيحصل من أول فيلم “أهواك” و”تصبح على خير” لحد ما شارك بجزء بسيط في إنتاج فيلم “البدلة” وأشرف على إنتاج ألبومي “عيش بشوقك” وأنتوا أكيد شايفين العملين طلعوا إزاي للناس وإزاي نجحوا والحمدلله كل عمل فيهم في السنه دي حقق نجاح كبير جدا”.

وتابع: “أنا في الصورة دي كنت قاعد بمضي عقد أول فيلم إنتاجه وكان بيقولي.. طلعت عيني عشان القعده دي، وأنا كنت بقوله أوعى تزعل مني أنا كنت بعلمك تكون قد المسؤولية لوحدك، ودلوقتي بأمانه أنت قدها وأنا اللي فخور إنك بتنتج لي عشان شايفك بجد شخص بقى شاطر جدا ومجتهد، وبتفكر صح وشركتك دلوقتي فيها أقوى الأفراد من كل الجوانب وأنا فخور بيهم كلهم فعلاً، ألف مبروك يا حبيبي يا أخويا الكبير ياللي ياما علمتني حاجات جميله وأنا صغير النهارده بردها لك من قلبي وبدعيلك ربنا يكرمك ويكرمنا جميعا ويكرم كل مجتهد وتكمل مشوارك وتنتج ليا ولغيري”.

 

View this post on Instagram

 

الصوره دي والفرحه اللي في ضحكة حسام اخويا لازم اكلمكوا عنها دا حسام اخويا الكبير كان نفسه يدخل عالم الإنتاج الفني من ٥ سنين و ينتجلي وانا الحقيقه كنت دايماً برفض و كان بيزعل مني بس كنت دايماً بشرحله انه لازم يدرس السوق الأول و ميعتمدش عليا و يفهم و يذاكر كتير اوي مش عشان ينتج لاااااا عشان يكون منتج شاطر و فعلاً عمل كدا و استوعب كلامي و بدأ يتفرج و يتابع كل اللي بيحصل من اول فيلم اهواك و تصبح على خير لحد ما شارك بجزء بسيط في انتاج فيلم البدله و اشرف على انتاج البومي عيش بشوقك و انتوا اكيد شايفين العملين طلعوا ازاي للناس وازاي نجحوا والحمدلله كل عمل فيهم في السنه دي حقق نجاح كبير جداً ، انا في الصوره دي كنت قاعد بمضي عقد اول فيلم انتاجه و وكان بيقولي ? (طلعت عيني عشان القعده دي ) و انا كنت بقوله إوعى تزعل مني انا كنت بعلمك تكون قد المسؤليه لوحدك و دلوقتي بأمانه انت قدها و انا اللي فخور انك بتنتجلي عشان شايفك بجد شخص بقى شاطر جداً و مجتهد و بتفكر صح و شركتك دلوقتي فيها اقوى الأفراد من كل الجوانب و انا فخور بيهم كلهم فعلاً ،الف مبروك يا حبيبي يا اخويا الكبير ياللي ياما علمتني حجات جميله وانا صغير النهارده بردهالك من قلبي و بدعيلك ربنا يكرمك و يكرمنا جميعاً و يكرم كل مجتهد و تكمل مشوارك و تنتج ليا و لغيري

A post shared by Tamer Hosny (@tamerhosny) on Nov 27, 2019 at 1:30am PST

“مكنش تنبؤ”.. تامر حسني يهنئ منتخب مصر الأوليمبي بعد تتويجه بكأس الأمم الإفريقية (صور)