صبري فواز: “مبحبش محمد صبحي.. وهيفاء وهبي اتعلمت التمثيل”

ذكر الفنان صبري فواز موقفا صعبًا مر عليه لمدة خمس سنوات وقال: “قعدت خمس سنين في دوامة، وكانوا زي الكابوس في حياتي، وعمري ما أنساهم وكانوا من 2012 لحد 2017، ساعتها كل الحبايب والقريبين ماتوا ورا بعض، مات 8 من أقرب الناس ليا، 5 أخوات أشقاء وأمي وخالي وابن خالي اللي عايش معانا في البيت، وعشت الخمس سنين باخد الضربة وأقع وأفوق، وساعتها قولت قلبي من الحزن كرمش”.

وتحدث عن الفنان محمد صبحي خلال استضافته ببرنامج شيخ الحارة والجريئة مع إيناس الدغيدي على قناة القاهرة والناس وقال: “على المستوى الشخصي والفني مبحبوش وبشوف تصرفاته وشغله محبتوش، ومن اللي بشوفه مع الزملاء بجانب حاجات شوفتها بعيني خليتني مش برتاح لطريقة شغله”.

صبري فواز لـ”شيخ الحارة”: “أنا عيني زايغة.. ومش بحب أجامل نفسي”

وأضاف عن محمد صبحي ووصفه قائلًا: “هو مخرج مسرح كبير وممثل كويس”، أما عن جماعة الإخوان قال: “دول مجموعة من الكذابين والإرهابيين، وواجهتهم بأعمال الجيش اللي بيعملوها”.

ورآى صبري بأن الإرهاب أسوء من كورونا من وجهة نظره، كما تمنى بأنه لو باستطاعته إنقاذ شخص واحد من فيروس كورونا، ستكون أخته هويدا، معربًا: “هي اللي فضلالي من العيلة كلها وربنا يخليهالي”.

وأشاد بقدرات النجمة هيفاء وهبي وقال: “اتعلمت التمثيل واتطورت، وفي تطور كبير بين فيلم دكان شحاتة، ومسلسل أسود فاتح”.

صبري فواز عن السبكي: “مش بجامله علشان لقمة العيش وعنده أعمال وشغل رائع”