لاعب التحرير لـ”القاهرة 24″: “كورونا وقف حالنا.. وبشتغل على توكتوك” (صور)
“كنت باخد 1200 جنيه مرتب شهري ودلوقتي شغال على توكتوك عشان مفيش فلوس من الكورة”، بهذه الكلمات بدأ محمد عادل، لاعب الفريق الأول لكرة القدم بنادي التحرير، أحد فرق القسم الثالث بمحافظة أسوان، حديثه لـ”القاهرة 24”.
هي كرة القدم عزيزي القارئ تمتعك أحيانًا وتكون سبب سعادتك الأول، وتخذلك في أحيان أخرى وتجعلك غير قادر العيش بدون أموالها الضئيلة.
الأهلي يدرس تعيين خبير أجنبي للإشراف على قطاع الناشئين
تحدث محمد عادل لـ”القاهرة24″ عن طبيعة حياته بعد إيقاف النشاط الرياضي في مصر، قائلًا: “قبل كورونا كنت باخد شهريًا 1200 جنيه من النادي، هي قليلة فعلًا بس كانت بتساعدني كتير، وعقدي قيمته 20 ألف جنيه سنويًا”.
وتابع: “بعد انتشار الفيروس انقطعت الفلوس الي كنت باخدها من النادي فاضطريت اشتغل على توكتوك عشان الاقي مصاريف”.
وأكمل صاحب الـ23 عامًا: “سمعنا من وسائل الإعلام ان في دعم مادي وصل لأندية الممتاز ب والدرجة التالتة، لكن في نادي التحرير مأخدناش فلوس منذ توقف النشاط في المرة الأولى”.
وأتم: “ملقتش شغل غير التوكتوك عشان أشتغل عليه فأنا بشتغل على المتاح بالنسبالي واللي هيقضي مصاريفي خلال توقف النشاط”.
