إدوارد لشيخ الحارة: “في مخرجين أحسن من محمد سامي.. ورامز جلال نمبر وان في حتته”
عبر الفنان إدوارد، عن حبه وتقديره للمخرج محمد سامي، فقدم معه العديد من الأعمال وقال عنه: “محمد سامي أخويا وحبيبي ومن أكتر الناس اللي بتهتم باللي بيشتغلوا معاهم، ولكن في مخرجين أحسن من محمد سامي”.
وخلال استضافته ببرنامج شيخ الحارة والجريئة مع إيناس الدغيدي على قناة القاهرة والناس، أكد إدوارد، على تقديره وامتنانه للمخرج علي إدريس، فبالنسبة له هو المخرج رقم واحد في مصر، قائلًا: “علي إدريس هو اللي عمل إدوارد”.
وتحدث عن تجربته في أحد الأفلام مع فيفي عبدو وندمه على تقديمه وذكر تفاصيل الاتفاق على المشاركة بالعمل وقال: “أنا مكتتش بطل الفيلم والفيلم كان بطولة يسرا وعمرو سعد، وأنا كنت عامل دور صاحبه، واتفاجئت بأن محمد السبكي قالي انهم اعتذروا، علشان السيناريو كان متنيل بنيلة”.
وأشاد بنوعية البرامج التي يقدما رامز جلال وتفرده في تلك النوعية وأضاف واصفا إياه: “رامز ناجح في منطقته والناس بقت تستنى البرنامج بتاعه وهو نمبر وان في الحتة دي”، أما عن أحمد حلمي فقال عنه: “بيديني فرصة أعمل اللي أنا عايزه”.
وعبر عن ندمه بتقديمه لفيلم “أحاسيس” وقال عن تلك التجربة: “اتمنى مكونتش عملته وعمري ما اتكلمت عليه، وعملته علشان مخرج الفيلم كان منتج كبير وطلب مني أعمله، فوافقت علشان هو وقف جنبي في فيلم بحب السيما، ولكن الفيلم قلل مني”.
إيناس الدغيدي تستضيف محمد زيدان ببرنامج شيخ الحارة والجريئة (خاص)
اليوم.. إدوارد ضيف إيناس الدغيدي في “شيخ الحارة والجريئة” (فيديو)
