أمينة خليل عن “ليه لأ”: “قصة بنمر بيها كبنات وموجودة في كل بيت مصري” (فيديو)
فن
قالت النجمة أمينة خليل، إن المطربة آمال ماهر، أضافت حماس لفريق عمل مسلسل “ليه لأ”، بعد غنائها التتر الخاص به بعنوان “اللي قادرة”، وطرحه في منتصف شهر رمضان الماضي.
وأضافت خليل خلال مداخلة هاتفية لبرنامج “يحدث في مصر” مع الإعلامي شريف عامر، حطت المسلسل في حتة تانية خالص وحمستنا إحنا كمان إن المسلسل ينزل.. غنت أغنية رائعة باحساس لمسنا كلنا”.
وتابعت: “والفيديو اللي كان معمول على الأغنية ساعد الناس أنهم يعرفوا مسلسلنا بيتكللم عن إيه.. أو شكل المسلسل هيتعمل ازاي، والناس تحمست أكتر، وكل النساء اللي اشتغلوا على مسلسل ده كان ليهم لمسة مختلفة”
اليوم.. عرض أولى حلقات مسلسل “ليه لأ” بطولة أمينة خليل عبر “شاهد”
واستكملت: هي قصة بنمر بيها كبنات وفي حاجات كتيرة بنبقى عايزين نتكلم عنها، أو صراعات داخلية ما بين بنت ووالدتها دايما بتحصل في كل بيت مصري، كلمة ربوا البنت، والتدخل في قراراتها وحريتها، وده اللي إحنا عملناه مسكنا موضوع موجود في كل بيت مصري”. مسلسل “ليه لأ” سيناريو وحوار دينا نجم ومجدى أمين، وأشرف على ورشة السرد السيناريست مريم نعوم، ومن إنتاج المنتج عبد الله أبو الفتوح، العمل بدء عرضه في الساعات الأولى من صباح اليوم الخميس الموافق 4 يونيو على منصة شاهد vip. المسلسل بطولة النجمة أمينة خليل، والفنانة هالة صدقي، والنجمة شيرين رضا، والفنانة الشابة مريم الخشت، والفنان محمد الشرنوبي، والفنان هاني عادل، والإعلامية ناردين فرج، والفنان عمر السعيد، ومن إخراج المخرجة مريم أبو عوف.
