بسنت شوقي تعلق على انتقادات “ليه لأ” بسبب دينا مراجيح: “ده مشهد يا أوڤر منك له”
ردت الفنانة بسنت شوقي، على الانتقادات الموجهة لصناع مسلسل “ليه لأ”، بعد عرض الحلقة الخامسة وظهور “دنيا مراجيح ويوسف جو” أحد مشاهير التيك توك في مشهد من المشاهد مع النجمة أمينة خليل، مما أثار غضبًا على مواقع التواصل الاجتماعي.
وكتبت شوقي على حسابها بموقع التواصل الاجتماعي “فيس بوك”: “هو إيه الريأكشن الأوڤر ده فى موضوع دينا مراجيح؟! للعلم أنا أصلا معرفش مين هيا بس من الواضح أنها بتعمل فيديوهات على تيك توك.. السؤال المهم اللي لازم يتطرح، هل عملت المشهد وحش؟! بالعكس!! كانت إن كاست جدا”.
وتابعت: “ليه الناس عمالة تعنصر على البنت عشان هى من تيك توك ومغنية مهرجانات؟! تحبوا أقولكم كام ممثل شغال دلوقتى أبتدى موديل؟ انفلونسر وبيتصور على انستجرام؟ ابتدى في إعلانات؟ أتشهر عشان عمل محتوى على يوتيوب، يعرف المنتج/المخرج/ نجم العمل”.
غضب على السوشيال ميديا بعد ظهور “دينا مراجيح و يوسف جو” في مسلسل أمينة خليل (صور وفيديو)
واستكملت: “ناس عندهها علاقات وبتخلص ورق ومشاكل للمنتجين وشغالين؟ ناس عاملة فورمة الساحل وشغالة بيها بقالها سنين؟ ناس مخرجين و مخرجين مهمين كمان اكتشفوهم وأول مرة يمثلوا أدوهم بطولات!! أشمعنى يعنى المرة دي خريجي المسرح صعبانين عليكم؟!”.
واختتمت: “ده مشهد يا أوڤر منك له! يعنى فيه مخرجين ومنتجين بيجيبوا بتوع البوفيه ولا حد من الإنتاج/ الإخراج/ الإضاءة لو شكلهم أو شخصيتهم لايقة يعملهوه عادى for fun ولتوفير الفلوس.. متبقوش ضيقين كده”.
