التفاصيل الكاملة لاتهام زوجة لاعب كرة قدم سابق بالعنصرية بسبب مربية أطفال (صورة)
اتهمت سيدة تدعي بسنت القاضي، زوجة لاعب كرة قدم سابق بالعنصرية بعد منعها نزول مربية أطفال في حمام السباحة بأحد الفنادق الشهيرة بالغردقة.
وكتبت بسنت القاضي، عبر حسابها الشخصي على موقع التواصل الاجتماعي “فيس بوك”: “امبارح السبت أنا وجوزى وولادى والبيبى سيتر كنا موجودين، وإحنا نازليين البول زى كل يوم فوجئت بواحدة كبيرة فالسن بتناديلى بتقولى الشغالة متنزلش أنا مش هنزل مكان الشغالة”.
وتابعت: “استفزيت جدًا وراعيت فرق السن وسكت بعدها بدقيقة جه Life guard بيقولي معلش البنت لازم تتطلع علشان لابسة قطن المهم مع احترمت كلامه وطلبت من البنت تطلع تغير وتلبس بوركينى ووتر برووف زي بتاعي وقد كان فالوقت ده عرفنا أنه اللى قاعدين واحدة اسمها “ي. ن” مرات لاعب كورة سابق اسمه “ع .م” ووالدتها”.
القصة الكاملة لمنشور إسعاد يونس بخصوص فتاة ريفية واتهامها بالتنمر والعنصرية (صور)
وأضافت: “نزلت البنت بالبوركينى وكنت معتقدة القصة انتهت فجأة جت واتهجمت عليا فالبوول بتقولي أنتى يا بنتى هبلة أنتى عارفة أنتى بتعندى مع مين لو مش عارفة أنك فريزورت محترم مينفعش تنزلي في شغالتك روحي بيها بلطيم! أنا مش هنزل مكانها دي مقملة ومجربة في حاجة اسمها هايچين أنتي مجنونة ده النوادى مبتنزلش شغالات ناقص أنزل مكان شغالة أيه القرف ده مش قادرة تشيلى عيالك إحنا مالنا“.
وواصلت: “ده اللي فاكراه طبعا غير وابل من الشتايم ومامتها بتقولها هعملكم محضر ورا أنا مسكتش طبعًا وحاولت افهمها إنه اللى بتقوله ده قرف و عيب وإنه البنت نازلة بووتر برووف زيها زيك وحاجزة أوضة لوحدها زييها زيك لحد ما تدخل حد من الإدارة سألته بمنتهى الهدوء 3 أسئلة هل المكان بيمنع البوركيني؟ قاللى لا، البنت حاجزالها أوضة لوحدها هل بتمنع الأجانب أنهم ينزلوا البوول؟ قاللي لأ كله مرحب بي، هل قبل ما تنزل البوول بتسأل عن خلفية عمله؟ قالي لا”.
واستطردت: “الراجل مشكورًا اعتذر عن غلطة معملوهاش أصلاً والبنت نزلت وبعد ما الموضوع انتهى بعتولنا كادوه مشكورين أنا بس متعجبة إنى في ناس بالطبقية وسواد القلب ده أنا مش فارقلى مهاتراتها معايا تمامًا لإنى رديت عليها باللي يناسب تربيتي اللي واجع قلبي إنه البنت كانت واقفة وسامعة كل الإهانة دي بدون أي ذنب عملته”.
اتهموه بالعنصرية والتحريض على الفتنة والعنف.. غضب من تعين أحمد شوقي مديراً لـ”القاهرة السينمائى” (صور)
