ايتن عامر تهاجم عمليات تكميم المعدة.. شاهد ماذا قالت؟! (صور وفيديو)

ظهرت أمس الأربعاء الفنانة ايتن عامر مع الإعلامية منى الشاذلي في حلقة خاصة تتحدث فيها عن تجربتها مع فقدان الوزن، خاصة وإنها زادت عن وزنها الطبيعي بعد تجربة الحمل الثانية، وزاد وزنها تقريبًا 30 كيلو.

وكشفت إيتن أنها في طريقها لفقدان ما تبقى من وزن زائد وهو 21 كيلو، خسرت منهم حتى تصوير هذه الحلقة أكثر من 4 كيلو، وأكدت أن المشوار مازال طويلًا أمامها خاصة وأنها تفقد وزنها بطريقة بطيئة.

وامتزجت ردود الأفعال بعد عرض الحلقة ما بين التشجيع، واستنكار من البعض، حيث شعر البعض أن إيتن تتحدث عن الأمر وكأنه نهاية العالم وأنه أهم وأعمق مشكلة واجهتها ايتن، وأن هُناك الكثير من المشكلات أهم من فقدان الوزن بكثير، الأمر الذي جعل إيتن تخرج صباح اليوم لترد على هذه الإنتقادات.

وقالت آيتن عبر حسابها على فيسبوك، “أيوه فى مشاكل أهم وأعمق من المشكلة بتاعتى اللى تناولتها النهاردة الأستاذة منى الشاذلى، ولكن خلينا نشوفها بشكل تانى، ليه منقولش إن تجربتى دى ممكن تبقى حافز لناس كتير نفسها تخس و ظروفها المعنوية أو المادية مش مساعداها خصوصا أن الدكتور وافق انه ينزل الأنظمة الغذائية كاملة دون أى مقابل”.

وأضافت، “ليه منقولش إن دى تجربة فعلية تخلى الناس اللى بيتضحك عليها باسم عمليات التكميم وتحويل المسار وبيبقى عندهم استعداد يبيعوا دهبهم ويعملوا جمعيات عشان يعملوا العملية مع إن من الممكن منضرش صحتنا و نخش أوض عمليات ونعمل دايت وتخس ومنتكلفش كل الفلوس دى”، مؤكدة: “ليه الحلقة دى متكونش بتهون على كل واحدة لسه مخلفة ووزنها زايد وعندها اكتئاب وبتوريها انها مش لوحدها اللى بيحصلها كدة وانى كممثلة لا أتميز عنها بشيء سوى الإرادة وأشجعها تبدأ معايا”.

وتابعت آيتن، “بلاش هجوم بلا داعى، أنا مش هقدر أحل مشاكل الكون ولا مشكلة الغلاء، ‏لكن ممكن أكون مصدر إلهام لبنات كتير وأساعدهم على الوصول لحلم صغير، لأن هو ده اللى هقدر عليه”.