هدير الهادي;دكتور مصري في السعودية كان بيحولي دولارت
ينشر “القاهرة 24” نص التحقيقات فى القضية رقم 1791 لسنة 2020 حصر جرائم اقتصادية، والمتهمة فيها هدير الهادي، في القضية المعروفة إعلاميًا بـ”فتاة التيك توك”، لاتهامها بالتحريض على الفسق والفجور ونشر عادات تخالف قيم وتقاليد المجتمع المصري.
وسألت جهات التحقيق هدير الهادي:
س: ما هو قولك فيما هو منسوب إليك من أنك متهمة بنشر صور فوتوغرافية ومقاطع مرئيّة خادشة للحياء العام بقصد العرض على حساباتك الشخصية عبر مواقع التواصل الاجتماعي على الشبكة المعلوماتية وذلك على النحو المبين بالتحقيق؟
ج: محصلش.
س: ما هو قولك فيما هو منسوب إليكِ من أنك متهمة بفعل علانية أفعال فاضحة مخلة بالحياء العام عن طريق حساباتك الشخصية عبر شبكة المعلومات المرئية، تتضمن الدعوة إلى لفت الأنظار إلى الدعارة على النحو المبين بالتحقيقات؟
ج: محصلش.
س: ما هو قولك فيما هو منسوب إليكِ من أنكِ متهمة بممارسة الدعارة بمقابل وذلك بالنحو المبين بالتحقيقات؟
ج : محصلش.
س: ما هو قولك فيما هو منسوب إليك من اتهامك بالاعتداء على المبادئ والقيم الأسرية في المجتمع المصري بنشر صور ومقاطع مرئية على حساباتك الشخصية على الشبكة المعلوماتية تتضمن لفت الأنظار إلى الدعارة وخدش الحياء العام؟
ج: محصلش.
س: ما قولك فيما هو منسوب إليك من أنك متهمة باستخدام حسابك الشخصي على شبكة المعلومات بهدف تسهيل أو ارتكاب الجرائم محل الاتهامات السالفة البيان وذلك على النحو المبين في التحقيقات؟
ج: محصلش.
س: ما الذي حدث إذا وما هي ظروف ضبطك وعرضك علينا وما هي أوجه دفاعك؟
ج: اللي حصل أني جاتلي مكالمة من واحد أنا معرفوش وقال إنه بيكلمني على السناب شات وأنا قولتله أني حياتي فيها بهدلة ومحتاجة فلوس قالي أقابلك في الحصري وهبعتلك فلوس عن طريق المحامي بتاعي، ولما روحت هناك مسكني وقالي أنه ضابط وخدني على الشقة بتاعتي ولم الحاجات من الشقة وبعد كدا وداني على إدارة الآداب، وأول ماروحت هناك سألوني عن الفيديو بتاع وحدة شبهي نازل على مواقع “إباحي” وأنا قولتلهم إن اللي في الفيديو دي مش أنا، وجابولي دكتورة اسمها آية كشفت عليا وقلعتني هدومي من فوق وصورتني وقالت لهم أني مش أنا اللي في الفيديو وكأنهم بيسألوني عن الباسوردات بتاعة الأكونتات بتاعتي واتعرضت على النيابة وهو ده كل اللي حصل، والكلام الخاص بإني بصور فيديوهات وبأخذ مقابلها فلوس ماحصلش وأنا كنت بحاول أزود الفلورز بتوعي علشان الشركات تخليني أعلن عن المنتجات بتاعتها
س: ما هي ممتلكاتك ومصادر دخلك؟
ج : أنا معنديش ممتلكات خاصة بيا ومصادر دخلي هي تحويلات من ويسترن يونيون من واحد دكتور مصري في السعودية اسمه عماد عبد الرحمن الخطيب.
س: وما صلتك بهذا الشخص وما هي بياناته بالكامل؟
ج : هو كان بعتلى قبل كدا على أكونت بيجو لايف قديم ليا بس مش فاكرة اسمه ولا الباسوورد الخاص بيه علشان مفتحتهوش من زمان وعملت أكونت جديد اللي قولت عليه ومعرفش أي حاجة غير اسمه.
س: وما هي ظروف نشأة علاقتك بسالف الذكر؟
ج: هو كان قالي لما كلمني إنتي إزاي داخلة على البرنامج ده وكل اللي شغالين عليه مش شبهك وأنا رديت عليه بحاول أساعد نفسي وأجيب فلوس وبدأنا نتكلم مكالمات عادية وعرف عني تفاصيل حياتي وبدأ يبعتلي فلوس وبقت الفلوس دي مصدر دخلي.
س: وما عدد المرات التي قام فيها سالف الذكر بإرسال مبالغ مالية لكِ؟
ج: حوالي 18 مرة.
س: وما قيمة المبالغ في كل مرة؟
ج: كانت بتختلف كل مرة بتبقى مبلغ معين مرة 600 دولار ومرة 1000 دولار ومرة 1200 دولار.
س: وهل من الطبيعي إرسال شخص مبالغ دون مقابل؟
ج: آه.
س: وما تعليقك على ذلك؟
ج: هو كان بيبعتلي الفلوس دي علشان بيساعدني.
اعترافات هدير الهادي
اعترافات هدير الهادي
