أرملة تستغيث بالرئيس السيسي: “ابني محتاج حضني ومش عارفة أوصله” (مستندات)
تملّك قلبها الحسرة ونفسها الاكتئاب، وبات الأمر بالنسبة لها كالوسواس، سؤالا واحدا يكرره عقلها بين الحين والآخر “أبني فين؟”، دون مجيب أو رد ولكن ما عاد البكاء يجدي نفعا أو يخفف ألما أو يريح قلب أم لا تتمنى سوى رؤية فلذة أكبادها قبل سنوات تزوجت “آية” من “محمد” وشعرت حينها أن الدنيا ربما تمنحها نظرة رضا، ولكن تاتي الرياح بما لا تشتهي السفن.
وقالت آية أثنا حديثها لـ”القاهرة 24″:” اتجوزت محمد معروف من سنتين أول سنة ربنا رزقنا بالطفل مالك بعدها بعشرة أيام عرفت أن جوزي، ربنا اختبره وابتلاه بمرض الكانسر قعد سنه كامله يعاني من المرض، فضلت تحت أمر جوزي وتحت رجله وخدمته هو وأهله، بس قضاء الله نفذ واتوفي بعد صراع مع المرض اللعين 6 مايو جم أهل جوزي خدوا أبني يوم 4 يوليو 2020 وحرموني منه لحد دلوقتي من غير إنسانية ولا قلب”.
وتابعت الزوجة “في يوم كنا ريحين زيارة للمقابر علشام أبو ابني بلف طرحتي لقيت ابني حط ايده ع المكوا وهي سخنه جريت عليه اشوفه روحت جريت بيه على المستشفي زي المجنونة، والدكاترة طمنوني أبنك مفهوش حاجة وكلها حروق من الدرجة الأولي يومين وتروحو.
ربة منزل تعترف: زوجى عذب طفلته حتى فارقت الحياة
وتابعت الزوجة:” كان أهل زوجي بياخدوا ابني عادي في يوم كان عندي امتحان روحت بدري أول ما رجعت بسال ماما على أبني ردت عليا أبنك خدوه جدته وجده نمت وقولت أكيد على بالليل كدا هيجبوه صحيت على تلفون بيقولي أن جدا مالك مقدم فيكي بلاغ انك حارقة أبنك ونزل صوره مفبركة على الفيس بوك بيتهمني بافظع التهم والشتائم وعمل كمان محضر أهمال في الطفولة والأمومة”.
وأكدت:” الزوجة أن القضاء انصفها وحصلت على قرار من المحامي العام بضم مالك إلى حضانتي نزلت 3 مرات أنفذه ولكنى فشلت، وكل مره بروح يشتموني ويضحكوا عليا وبمشي ابني، بيتنقل من مكان لمكان ومن بيت لبيت، ولجأت لطوب الأرض عشان أنفذ لكن مش عارفة مكان ثابت لأبني”.
واختتمت:” بوجه استغاثة للرئيس عبد الفتاح السيسي، ووزير الداخلية ووزير العدل، ابني طفل رضيع محتاج حضن أمه منعوه من أبسط حقوقه حضن أمه”.
