لميس الحديدي ترد على منتقدي “المهرجانات”: “الحاجات دي فيها أكل عيش”

سهر عوض

الأحد 08/نوفمبر/2020 - 10:18 م

علقت الإعلامية لميس الحديدي، على موجة اللوم التي يوجهها البعض للدولة حول ترك بعض المجالات المفتوحة مثل الاحتفالات والمهرجانات السينمائية والموسيقية.

وقالت الحديدي، عبر برنامجها “كلمة أخيرة” المذاع على شاشة “ON E”: “الناس اللي بتقول إنتوا سايبين السينمات وسايبين المهرجانات؟ الدولة حتى هذه اللحظة وفي ضوء أرقام الوضع الوبائي على الأرض مش عايزة تقفل النشاطات.. لا نريد أن يكون هناك غلق جزئي للنشاطات الحاجات دي فيها أكل عيش للناس سواء مطاعم أو سينمات أو حتى المهرجانات، لكن الناس لازم تاخد بالها لا بد أن تقوم بالتباعد والكمامة بقت جزء من حياتنا”.

وتابعت: “قدامنا حلين إما نقفل وإحنا مش عايزين؟ أو نتعايش ونتعلم كيف نحمي أنفسنا، الدولة مسؤوليتها تجهيز الأماكن والمستشفيات وتوفير الأدوية، وتغلق إذا ااضطررنا لذلك لكن المواطن بالأساس عليه مسؤولية حماية نفسه ومن حوله”.

واختتمت: “الفيروس بقى جامد تاني وحواليا ناس كتيرة مصابة وبدأنا نكلم دكاترة من أول وجديد وندخل ناس المستشفيات بعد شهور طويلة.. وعلى فكرة مش بس كبار السن بقى حوالينا شباب كتير في أعمار 18-25 سنة بدأوا يصابوا ويجيلهم الفيروس بعضهم بلا أعراض وبعضهم بأعراض صعبة جدًا.. أرجوكم خدوا بالكم من نفسكم ماتزقوناش للإغلاق خلونا ننتفس شوية لا تدفعوا الدولة لإغلاق جزئي أو أكبر من ذلك”.