إيناس الدغيدي ترد على انتقادات بسمة وهبة: مش داخله منافسة.. وتقديم شيخ الحارة صدفة

ردت المخرجة إيناس الدغيدي، على تصريحات انتقادات الإعلامية بسمة وهبي بشأن تقديم برنامج ” شيخ الحارة والجريئة”، والذي قدمته في رمضان الماضي 2020، خاصةً بعد انسحاب الأولى.

وقالت إيناس الدغيدي خلال لقائها في برنامج “Its Show Time” الذي يعرض عبر شاشة “الحياة”، إن تقديمها لبرنامج “شيخ الحارة والجريئة” جاء بالصدفة، معلقًا:”لا داخله منافسة أن أكون مذيعة ولاحتي أن اعمل تريند زى ما بيقولوا، أنا حبيت الشغلانة لأن مش بشتغل عملي الحقيقي”.

وتابعت إيناس: ” جالى شيخ الحارة بالصدفة جدا، بعد ما اتصل بيه طارق نور بسأله على حاجة تانية خالص، وبعدين لاقيته بعد اسبوع بيقولى تعملى شيخ الحارة، قولت لي أنا بقالى فترة مش شغالة ف حب اشتغل معاك “.

وعن بسمة وهبة قالت إن البرنامج وقت تقديمها له كان ناجحا، ولا يقلل منها أنها تركته لتقدمه هي، مشيرة إلى أن الموسم الماضي من البرنامج نجح أيضا بطريقتها الخاصة وأن الجمهور استقبله بشكل مختلف.

وسبق، كشفت بسمة وهبة من موقفها لتقديم المخرجة إيناس الدغيدي برنامجها، وقالت لبرنامج “ET بالعربي”: “شيخ الحارة ده ورث بتاعي، وهو فكرتي ومشروعي وابني اللي اتولد على إيدي وكبرته، علشان مش فيه بسمة وهبة، وأنا بحب إيناس الدغيدي على المستوى الشخصي، وإحنا أصحاب، بس أنا زعلانة منها علشان هي مكلمتنيش، لكن أنا بحبلها الخير، لكن شيخ الحارة هو مينفعش من غير بسمة وهبة”.

وتابعت: “أنا عندي صفحة على الفيس بوك عليها 4 ونص مليون شخص 90 في المية منهم كاتبينلي ليه انتي مطلعتيش إحنا عايزينك، ومعرفش ليه إيناس الدغيدي حاطة نفسها في حتة إنها تروح تكمل برامج ناس غيرها، أنا بحبك وأنت مخرجة كبيرة، بس أقولك أنا بباركلك وربنا يوفقك، سر شيخ الحارة هو طريقة طهي معينة، وسر الطبخة عندي، فأنا ممكن أحطها في أي طبخة تانية”.

إلهام شاهين لإيناس الدغيدي: “أكملي مسيرتك بفكرك التنويري” (صور)