مصطفى جاد عن زوجته كارمن سليمان: "بتختار توقيتات ظهورها وأغانيها بوعي"
أصدر الملحن مصطفى جاد بيانًا توضيحيًا حول ما تردد بشأن تدخله بشكل مباشر في أعمال زوجته المطربة الشابة كارمن سليمان.
وكتب "جاد" على حسابه الشخصي بموقع التواصل الاجتماعي "فيس بوك": "توضيح مهم جدًا.. كارمن مراتي و حبيبتي وأم ابني آه، بس كفنانة كارمن ليها فريق عمل محترف جدًا بيدير شغلها بإستراتيجية مخططة من قبل كارمن الفنانة الكبيرة الذكية الواعية المتأنية، واللي فاهمة كويس قوي هى عايزة تعمل إيه.. كارمن أو كوكي بتختار لنفسها الأغاني بوعي ومعلمة، سابقة سنها بكتير وكمان بتختار توقيتات وأماكن ظهورها بتأني واحترام ليا ولنفسها ولجمهورها الكبير".
وتابع: "ليا دور ودور مهم وكبير في شغلها، بس من واقع إني ملحن ومنتج ليه تجربته الخاصة، ودوري الأكبر استشارة وتوعية لظروف السوق ومتطلباته بحكم احتكاكي بأكبر الصناع في الوطن العربي والعالم كله .. شايفين كل الكلام اللي فات ده، هي كمان ليها وهيبقالها نفس الدور معايا في أغانيا الجديدة اللي هتنزل بصوتي، وهتشوفوا أولها قريب قوي بلون وطعم مختلفين تمامًا عن كل اللي سمعتوه ليا قبل كدة.. شكراً".
وسبق، وأعلن الملحن مصطفى جاد وفاة عم زوجته النجمة كارمن سليمان عبر حسابه الشخصي بموقع "تويتر".
وكتب: "البقاء والدوام لله وإنا لله وإنا إليه راجعون.. عم زوجتى الأستاذ جمال نوفل فى ذمة الله.. لا أراكم الله مكروهًا في عزيز لديكم".
الموت يفجع كارمن سليمان في عمها (تغريدة)
