رامي رضوان: عشنا 5 شهور في معاناة.. واللون الأسود هو اللي موجود عندنا
قال الإعلامي رامي رضوان، في أول ظهور له في برنامجه بعد وفاة الفنانة دلال عبد العزيز، التي توفيت يوم السبت عن عمر ناهز الـ 61 عامًا إثر مضاعفات إصابتها بفيروس كورونا المستجد: مش بيحس بقيمة السعادة إلا الأشخاص اللي بيخيم عليهم الحزن.
وأضاف رامي رضوان، خلال برنامج مساء dmc: مش عارف هحكي لكم على إيه، بصراحة ما كنتش عاوز أتكلم أو بالأحرى ما كنتش قادر اتكلم.
وأكد: الظروف اللي مرينا بيها كان فيها صعوبة وألم كبير مع وفاة النجمة الكبيرة دلال عبد العزيز وحماتي العزيزة مشاعر الحزن اللي كانت مكبوتة من وقت وفاة حمايا سمير غانم كلها طلعت.
وأشار رامي رضوان إلى أنه لم يرتد ملابس سوداء بعد وفاة سمير غانم ودلال عبد العزيز لأنهما كانا لا يحبا اللون الأسود، مضيفًا: الأسود أصبح اللون اللي موجود عندنا دلوقتي وعند الناس كلها.
وعبر عن امتنانه للرسائل ومشاعر الجمهور التي وردت لهم قائلًا: سند كبير من الرسايل والمواساة والتعازي بنسبة 95% من الرسايل بيعبر عن مشاعر الحزن مش في فقدان نجمين هما حاسين إن حد من أسرتهم عزيز عليهم هو اللي غاب عن الدنيا.
وأكد رامي أنهم عاشوا 4 أو5 شهور في معاناة كبيرة كانوا بلا حياة، مضيفًا: طول الوقت بنحاول نعمل اللي علينا ويارب يكونوا راضيين وربنا هدانا إننا نعمل الصح، بذلنا كل ما في وسعنا وكان أملنا كبير في ربنا إن دلال تمر من الوعكة الصحية اللي كانت شديدة جدًا فوق ما أي حد يتخيل.
وأردف: كتير جدًا الواحد بيتمنى حاجة وربنا بيكتب حاجة تانية يمكن مش بترضينا بس أكيد اللي ربنا بيرتبه أحسن من أي شيء بنتمناه وبنحلم بيه.
