محمد نجاتي: هاني شاكر زي عبد الحليم حافظ ما يتعوضش.. ووجهة مشرفة للفن المصري
كشف الفنان محمد نجاتي رأيه في استقالة الفنان هاني شاكر عن منصب نقيب المهن الموسيقية، مؤكدًا أنه لا يعوض مثل العندليب الراحل عبد الحليم حافظ.
وقال نجاتي، خلال لقائه مع القاهرة 24: هاني شاكر قيمة وقامة عظيمة، إحنا ناسيين إن هاني زيه زي عبد الحليم حافظ.. ده الأستاذ هاني شاكر، يعني المتبقي من الجيل اللي ما يتعوضش مين غيره ممكن يكون أهل لنقابة الموسيقيين في ناس طبعا تقدر تقوم بالمهمة دي، ولكن هاني شاكر وجهة مشرفة للفن المصري.
وأضاف: أصدر قرارات لمنع بعض مطربي المهرجانات من الغناء وأنا كنت ضد هذه القرارات.. لكن بصراحة اتضح لي أن هذه القرارات أخذت، ليس لأنهم أصحاب موهبة قليلة، ولكن خلافات مع أشخاص أو زملاء آخرين بشكل مهين كانت تستوجب الوقف.
محمد نجاتي يكشف رأيه في أغاني المهرجانات
كما كشف نجاتي رأيه في أعاني المهرجانات، قائلًا: مش وحشة دي مزيكا حلوة، هو أنت ينفع تكون في عيد ميلاد أو فرح وتشغل أغنية حزينة أو درامية أو أغنية رومانسية هادية.. العريس والعروسة عاوزين يرقصوا الرقص على الأغاني مش غلط ومش بيقلل من الأغنية.. عبد الحليم كان بيغني أغاني راقصة والناس رقصوا عليها، وهي نوع من أنواع الموسيقى اللي موجود ومعاصرة وما نقدريش نمنع حاجة عجبت الناس.
وأضاف: نقدر نقوم الأغاني.. هما مشكلتهم في الكلمات اللي إحنا رفضينها لأنها ممكن تربي أجيال بشكل خطأ يبقى نحضتنهم ونقومهم.
وتابع: مش شرط المطرب يكون عارف يقول يا ليل يا عين، ممكن يكون مساحة صوته على قده، زي ما مطربين تاني كتير صوتهم على قدهم، كل المطربين صوتهم بيدخل على حاجة اسمها Auto-Tune عشان صوتهم يطلع بيلمع، ومفيهوش خسسان في أجهزة بتساعد على كده، والمهم في النهاية أننا نطلع أغاني تؤدي الغرض ولا تخدش الحياء.
