جلسة مساج وهمية.. ننشر نص أمر إحالة المتهمين بالاعتداء على طبيب سعودي في بولاق الدكرور
حصل القاهرة 24 على نص أمر إحالة 5 أشخاص إلى محكمة الجنايات المختصة، على خلفية اتهامهم بخطف طبيب سعودي لسرقته وتصويره عاريًا بشقة في حي بولاق الدكرور.
قضية الطبيب السعودي
وجاء في أمر إحالة القضية رقم 666 لسنة 2022 جنايات بولاق الدكرور، والمقيدة برقم 304 لسنة 2022 كلي جنوب الجيزة، أن المتهمين "أ.م"، 41 عامًا، و"م.أ"، 22 عامًا، و"م.م"، 22 عامًا، و"م.ح"54 عامًا، و"ح.م"، 36 عامًا، خطفوا وآخرين المجني عليه "ج.م" بالتحايل بأن استدرجوه لمسكن المتهم الأول، بزعم كونه نادٍ صحي مبعدين إياه عن أعين ذويه، وصاحب فعلهم طلب فدية مالية لتحريره.
كما جاء في قرار الإحالة، أن المتهمين سرقوا المجني عليه بالإكراه، بأن أشهروا أسلحة بيضاء "خنجر، مطواه"، مهددين إياه بإعمالها في جسده لبث الرعب في قلبه وشل مقاومته، فتمكنوا بتلك الوسيلة من الاستيلاء على المنقولات الخاصة به.
وأسندت النيابة العامة للمتهمين، أنهم تعدوا على حرمة الحياة الخاصة للمجني عليه، بأن التقطوا له بجهاز، مقطعا مرئيا بمكان خاص بغير رضاه على النحو المبين بالتحقيقات.
جلسة مساج لـ طبيب سعودي
وخلال التحقيقات قال المجني عليه: اللي حصل إني شفت منشور على مواقع التواصل الاجتماعي فيسبوك، لعرض جلسة مساج وأنا قمت بالتواصل معهم عن طريق ماسنجر، وبعدها بعتلي رقم التليفون بتاعه، واتفقت مع الشخص ده، وتمت المقابلة يوم الإثنين الساعة السابعة مساء عند مطعم شهير بشارع السودان.
النصب على طبيب سعودي
وأضاف الطبيب السعودي خلال التحقيقات: ولما وصلت للمكان قالي أعدي الناحية التانية، وأنا بالفعل رُحت وعديت السلم، ونزلت على منطقة أرض اللواء قصاد جامع معرفش اسمه، وهناك تقابلت معه واتفقنا إننا هنروح شقة لعمل المساج بها،ووصلنا بتوك توك بمنطقة بولاق الدكرور.
وتابع الطبيب السعودي: لما وصلنا للشقة دخلت أنا وهو وبعدها، دخلني غرفة وقالي أخلع هدومك ما عدا ملابسك الداخلية لحد ما يدخل يغسل شعره وييجي، وبالفعل أنا قلعت هدومي وكنت قاعد مستني لحد ما هو جالي، وقالي نام على بطنك، وفي الوقت ده لقيت حوالي 8 أفراد فوق دماغي، ولقيت واحد منهم بيصورني ولقيتهم بيقلولي إحنا صورناك وأنت نايم على بطنك، وبعدها فضلوا يشتموا فيا ويهددوني بالقتل، وكان معاهم أسلحة بيضاء ضربوني بيها على وشي بس من غير إصابات.
تصوير طبيب سعودي عاريًا لابتزازه وتهديده
وأضاف الطبيب السعودي أمام جهات التحقيق: المتهمين وقت احتجازي قالولي عايزين 100 ألف جنيه ونسيبك تروح، وأنا ساعتها فكرت في ناس كتير لغاية ما اتصلت بأخويا وزميلي، وفي ناس اتصلت بيهم مردوش عليا لحد ما الحكومة جت وأخدت 3 أشخاص كانوا موجودين معايا في الشقة، والخمسة أشخاص الآخرين ماكانوش موجودين في الشقة عشان كانوا رايحين يقابلوا أخويا في شقة فيصل، عشان يديهم الفلوس وبعدها رحت الشرطة قسم الدقي، وعملت محضر وده كل اللي حصل.
