انتصار: أحب تصنيفي كفنانة كوميدية.. وشخصيتى بتطلع نكد في البيت
كشفت الفنانة انتصار، نوعية الأدوار التي ترغب في تقديمها للجمهور خلال الفترة المقبلة، مشيرة إلى أنها تفضل تصنيفها كممثلة كوميدية.
وتابعت انتصار خلال لقائها ضمن برنامج كلمة أخيرة، المذاع عبر شاشة ON: الناس فاكرة إن الكوميدي بس بيضحك الناس وبيقول إفيهات على المسرح مثل عبد المنعم مدبولي وسهيرالباروني وسهير البابلي وعبد المنعم مدبولي.
أكملت انتصار: الممثل الكوميدي يعني إنه خلص كل شيء في التمثيل وبقى عنده موهبة كمان يضحك الناس ودي صفة وتخصص مش موجود كتير في العالم.
نكدية في حياتي الشخصية
واصلت انتصار: الممثل الكوميدي نكدي أوي ويعجبك في النكد، وفي نفس الوقت يسخر من أحزانه ويضحك عليها.. وأنا في حياتي الشخصية عندى حتة نكد كده موجودة بس مش قدام الناس في البيت، بس لكن بمجرد خروجي من البيت هتلاقي الضحك كله.
وأردفت انتصار: وأكتر وقت بكون نكدية فيه لما بكون مزنوقة وعندي مواعيد تصوير وغيره بالإضافة لالتزامات البيت، فأنا هنا بلعب دور الأم والممثلة والمسرح ومديرة أعمال نفسي وبروح أدفع مصروفات المدرسة وأحضر اجتماعات أولياء الأمور في البيت وبروح السوق.
واختتمت انتصار: نكدي بيطلع لما بلاقي المواعيد دخلت في بعضيها تصوير وشغل مع مواعيد المدرسة والمذاكرة، صحيح الولاد كبروا بس في ساعات بيبقوا مش عاوزين يصحوا للمدرسة أو يقفلوا التليفون أو مخلصين الواي فاي في البيت وغيرها أو مش عاوزين يروحوا التمرين.
