في عيد ميلادها.. أبرز 20 نصيحة من رضوى الشربيني للسيدات
تحتفل الإعلامية رضوى الشربيني، اليوم 30 سبتمبر، بعيد ميلادها، حيث تتم عامها الـ 41، وتعد رضوى من أشهر المذيعات اللائي يقدمن نصائح للسيدات في برنامجها الاجتماعي هي وبس، الذي تقدمه منذ سنوات عبر شاشة قناة cbc سفرة.
أبرز 20 نصيحة من رضوى الشربيني للسيدات
- بطلي تقللي من نفسك وما تقرنيش نفسك بحد وبطلي تجلدي الذات.
- ابعدي عن العلاقات السامة والناس المؤذية.
- قدري نفسك بنفسك وما تستنيش من حد التقدير.
- اتعلمي تتجاوزي المشاكل والأشخاص اللي بيأذوكي.
- من حقك تحلمي ومافيش سقف لأحلامك.
- لو عايزة الراجل يعاملك بطريقة معينة.. ابدأي انتي وعامليه بنفس الطريقة عشان يعاملك زيها.
- الدنيا مبتقفش على حد ولو وقفت مش هتقف على راجل والدنيا بتقف على الأم والأب بس.
- خليكي زي الشمسية.. محدش يستفيد منك غير اللي حطك فوق دماغه.
- مش مهم اللي راح يرجع.. المهم اللي جاي هو اللي يكون أحسن.
- عززي نفسك وحطي رجل على رجل وقولي أنا غالية وأنا أحلى حاجة في الدنيا ومفيش مني اتنين.
- اللي مش هيخاف على زعلك النهاردة مش هيخاف عليكي بكرة.
- الست الحلوة مش بجسمها ولا بملامحها.. الست الحلوة في قلبها وجواها.. فانتي ست الستات واقفي قدام المراية وقولي أنا ست حلوة.
- بطلي تفضلي غيرك عليكي.. اهتمي بنفسك واسعدي نفسك.
- الست مش محتاجة رجل وسيم أو غني أو مشهور.. الست محتاجة رجل يحتويها ويهتم بيها ويحن عليها وبس.
- اتجوزي اللي يشوفك صاحبته مش مراته.. حبيبته مش المدام.. اللي يجري عليكي مش يجري منك.
- اللي ساب واحدة عشانك.. هيسيبك عشان واحدة تالتة ورابعة.. اعملي له بلوك على فيسبوك وعلى التليفون.
- فيه فرق كبير بين واحد بيقولك إنه بيحبك وبين واحد بيثبتلك إنه بيحبك.
- الراجل المتاح ابعدي عنه.. يتقرف منه وميتقربش منه والراجل الصح والحقيقي اللي يخلي كل بنت تغير منك، ويكون بيقدرك بطريقة صح وتكوني على قلبه زي العسل.
- تزوجوا رجالًا يخافون أن يسألهم الله عن أذى تركوه في قلوبكم.
