عزة بهاء عن سر غيابها: البيت خدني من 20 سنة.. وناس كتير قالوا إن دمي تقيل ومينفعش أعمل كوميدي
كشفت الفنانة عزة بهاء، سر غيابها الطويل عن الساحة الفنية، مؤكدة إنها تعمل على اختيار أدوارها بعناية شديدة ولا تقبل أي عمل يُعرض عليها.
وقالت عزة بهاء، في تصريحات تلفزيونية: أنا بشتغل بس قليل، مبحبش أعمل أي حاجة وأعمل الحاجة اللي تكون عجباني يعني أكون بشتغل وأنا مبسوطة، والبيت خدني شوية كتير من 20 سنة، كنت بزل أشتغل بس قليل.
وتابعت عزة بهاء، أن المخرجين حاصروها في نوعية واحدة من الأدوار، موضحة: حصروني في شخصية الهانم والوحيدة اللي خرجت عن السياق ده الأستاذ رباب حسين في مسلسل الليل وآخره، هما حصروني في الأدوار دي لأني نجحت فيها الأول، وفي الأول كنت مضايقة وكنت بقول الفنان بيعرف يعمل كل الأدوار وأنا بعرف أعمل أدوار تانية، ولكن بعد شوية لقيت إن دي وجهات نظر وإن دي شغلانة المخرج لو هو قادر على تطوير الممثل أو تطويعه، وهيقدر يخرج منه اللي هو عايزه.
وأضافت عزة بهاء، إنها على الرغم من عدم اعتراف الجمهور بموهبتها الكوميدية، إلا إنها خاضت التجربة الكوميدية، ولاقت نجاح كبير لدى الجمهور فيما بعد، موضحة: أستاذ رائد لبيب الله يرحمه اشتغلت معاه كذا حاجة ومنهم عمل كوميدي، على الرغم إن الناس كانت بتقول إن دمي تقيل ومش هعرف أمثل كوميدي، ولكني عملت مسلسل كوميدي حلو أوي معاه.
