محمد رياض: مفيش مشكلة حد يرشح ابنه لـ عمل فني الشغلانة مافيهاش فرض
أعرب الفنان محمد رياض عن سعادته بمشاركته بطلًا في أولى أعمال نجله عمر السينمائية بعنوان حجر إيجابي، مشيرًا إلى أن نجله خضع لعدد من ورش التأليف من ضمنها ورشة مع المؤلف أحمد مراد، بجانب استشارة خاله السيناريست عمرو محمود ياسين، مؤكدًا أنه لم يتدخل مطلقًا في دخول نجله الوسط الفني.
وقال محمد رياض في تصريح خاص لـ القاهرة 24، إنه من طلب من نجله المشاركة في فيلم حجر إيجابي، موضحًا: الفيلم هو تجربة بالنسبة ليهم أولى، والفيلم ده لما قرأته عجبني وأنا اللي طلبت أشتغل معاهم في الفيلم ومكنش ترشيح من المخرج ولا ابني عمر مؤلف العمل، والفيلم كله مجموعة جديدة وعندهم روح العزيمة والحماس وفكرهم مختلف، وحبيت أخوض التجربة دي.
وتابع محمد رياض: أنا شايف أن عمر كويس جدًا في التمثيل والتأليف، هو واخد موضوع التمثيل بجدية شديدة، وهو بيدرس في معهد التمثيل وخد ورش في التأليف مع أحمد مراد، وكمان اتعلم من خاله عمرو محمود ياسين من أكبر الكُتاب في مصر.
محمد رياض: مفيش مشكلة لو حد رشح ابنه لـ عمل فني
وأكد الفنان محمد رياض، أنه لم يرشح نجله عمر لأي عمل فني، قائلًا: أنا شايل إيدي خالص وحابب أن عمر هو اللي يجتهد ويقدم نفسه، ومش شايف أن في مشكلة لو حد رشح ابنه أو بنته لعمل فني، لأن الشغلانة مفيش فيها فرض على المشاهد، يا إما يتقبله يا يرفضه ومش هيكمل، والموهبة والشغل والقبول اللي بيحدده الجمهور، وهو العامل الرئيسي في الحكاية.
وأضاف: طبيعي أن عمر ابني يكون في الوسط لأنه من عائلة فنية أب عن جد، وغصب عنه حب الفن زيه زي محمود ياسين جونيور وأبناء الفنانين، وبيئة العائلة الفنية بتأثر، واللي بيكتب شهادة ده الجمهور.
