نور الشريف: التمثيل علم مركّب جدًا والموهبة لا تكفي | نوستالجيا
تحدث الفنان نور الشريف على ضرورة أن يكون الفنان متعلما، مشيرًا إلى أن الفنان غير المتعلم يظل واقفًا في مكانه دائمًا.
وقال نور الشريف خلال لقاء سابق ونادر له مع الإعلامي الراحل مفيد فوزي: لا بد أن يكون الفنان متعلما ومدركا ما حوله، وفاهما للمذاهب المختلفة ومحيطًا بالعصر ومطلعًا دائمًا على ما يدور بالعالم، عشان يقدر يواكب الأحداث وإلا هيقف في مكانه.
وأردف قائلًا: الشهادة ضرورية لأنها بتفرق بين ممثل متعلم أِو مش متعلم، ومش حقيقي إن الموهبة بس تكفي، لأن التمثيل علم مركّب جدًا وللأسف في مصر صعب نطلق على حد إنه محترف كامل.
بوسي تتحدث عن علاقتها بزوجها نور الشريف
على جانب آخر، تحدثت الفنانة بوسي عن علاقتها بزوجها الفنان نور الشريف، مشيرةً إلى أهمية وجود عامل مشترك بينهما وهو عملهما بالفن، مما سهل حياتهما الزوجية بشكل كبير.
وقالت في لقاء نادر لها: لو أنا ست عادية مش هقبل إن جوزي طول اليوم يكون بيشتغل وكنت هطالبه بحقي إني على الأقل أخرج مرتين في الأسبوع، وده مش موجود لأن إحنا الاتنين عارفين المهنة دي مرهقة قد إيه.
وأردفت قائلةً: نور بيلبس هدومه ويروح شغله الساعة 2 بليل، فـ طبعًا مكنش حد هيوافق على ده لو ست عادية، وحاليًا مثلًا أنا بشتغل مسرح وبرجع الساعة 3 بالليل، وهو بيكون نايم وهو ينزل الصبح الشغل بدري وأنا بكون نايمة، فـ قعدنا تقريبا 3 شهور مش بنشوف بعض غير في أيام الإجازة.
