خالد سليم: عانيت من ورم في الأحبال الشوكية.. وعرفت نفسيات زملائي
كشف الفنان خالد سليم، تفاصيل الأزمة التي تعرض لها خلال الفترة الماضية والتي أثرت في زيادة وزنه؛ نظرًا لحصوله على الكورتيزون.
وقال الفنان خالد سليم، خلال تصريحات تليفزيونية: عانيت من ورم في الأحبال الشوكية، وأجريت عملية جراحية في الأحبال الشوكية وتم استئصال الورم، والدكتور محمد الشاذلي هو من عالجني والفنان حماقي هو اللي عرفني عليه.
وأشار إلى أنه في فترة أزمته عانى كثيرًا وابتعد عنه أصدقاؤه، موضحا أن هناك الكثير من النجوم في الوسط الفني لا غبار عليهم، لكن هناك قلة نفسياتهم سيئة، مردفا: عرفت نفسيات زملاء في فترة مرضي وفيه ناس سوده.
خالد سليم: مش بتضايق من الإشاعات
ورد خالد سليم على شائعات أن لديه ابنة ثالثة، حيث قال: نور دي تاني بيبي للعيلة وأول بنت، وهي بنتنتا كلنا، نور مينفعش أقول عليها بنت أختي، وهي السبب إني كنت أتمنى أكون أول خلفتي تبقى بنت، وربنا رزقني بخديجة وكنزي، لما الناس توقفني في الشارع ويتصوروا معايا، بيقفوا جنبي وعايزين يعرفوا ليه بيتصوروا معايا، خيرية مراتي متفهمة، وبيغيروا ساعات من والدتهم.
وأردف خالد سليم: مش بتضايق من الإشاعات وممكن تأثر عليا، وممكن خيرية مراتي تتضايق، وهي عارفة إن أي حد تحت الإضاءة معرض لتدخل الناس، ودي حاجة ارتضينا بيها، وشغلنا قائم على الإشهار، وبالتالي الناس لما تتكلم بنتقبل.
