الشيطان كائن مخيف.. أزهري: بعض الآباء يرتكبون جريمة في حق أبنائهم
قال الشيخ أبو اليزيد سلامة، من علماء الأزهر الشريف، إن الحوار بين الآباء وأبنائهم ضروري للغاية، مضيفا: مهم تكلم ابنك وتسمعه وبلاش تقوله كلمة فيها انتقاص منه، بلاش تقوله يا ولد، لازم يكون في حنان وتدليع.
أزهري: بعض الآباء يرتكبون جريمة في حق أبنائهم
وأوضح العالم الأزهري، خلال تصريحات تليفزيونية: مفيش حد في القرآن نادى على ابنه باسمه مجرد، لا كلهم قالوا: يا بني، مهم نحافظ على علاقة الأشقاء ببعضهم البعض حتى لا يكون في تدخل من الشيطان لزرع العداوة بينهم.
واستكمل العالم الأزهري: لازم نعلمهم العلاقة بينهم وبين الشيطان، بعض الآباء بيرتكبوا جريمة تجاه أبنائهم، ودا بسبب إنهم بيقولوا ليهم إن الشيطان كائن مخيف من الصغر، وبيقولوا ليهم عشان ينام العفريت هييجي، فلابد أن نعلم الأبناء إن الشيطان ليس له عليك سلطان، وإنه فقط يحاول العداوة بينك وبين الناس.
فيما أوضح الشيخ أبو اليزيد سلامة، من علماء الأزهر الشريف، طرق منع الأطفال من الانشغال بالسوشيال ميديا، قائلا: إن النظام هو سر النجاح الدائم.
وأكد العالم الأزهري: الله سبحانه وتعالى خلق الكون بنظام، كل شيء بميقات، الشمس تخرج في وقت وتغرب في وقت معين، لدينا مواقيت للصلاة، ربنا بيقول لنا إن النظام هو أساس النجاح.
واستكمل العالم الأزهري: لازم نعلم أولادنا النظام، وإن كل شيء بنظام، سواء حفظ القرآن أو النادي، أو متابعة السوشيال ميديا، كل فعل لازم يكون له وقت وتنظيم.
