مي كساب: أوكا وأخوه كانوا بيشتموني ويزعقولي بسبب جعفر العمدة لأنهم من جمهور محمد رمضان
عبرت الفنانة مي كساب عن سعادتها الشديدة بتكريمها في حفل توزيع جوائز دير جست، أمس عن دورها في مسلسل جعفر العمدة والذي حققت من خلاله نجاحًا كبيرًا في الموسم الرمضاني الماضي، وظهرت في الحفل مع شقيق زوجها أوكا الصغير ويدعى عمر.
وقالت مي كساب: شكرا للجمهور اللي واقف في ظهرنا، ويا رب دايما نبقى عند حسن ظنهم، ونعمل أعمال تليق بيهم وبعقولهم وتنال رضاهم.
وروت مي كساب كيف تفاعل زوجها أوكا مع المسلسل، قائلة: أوكا كان من جمهور محمد رمضان وبيزعق لي زي الجمهور بظبط، وبيقول لي إيه يا ثريا اللي بتعمليه كل شوية ده وأنتي مش هتتهدي غير لما تطلقي تاني، وهو وعمر أخوه زي القط والفار في البيت.
وأضافت: عمر أخو جوزي مش ابني أنا ابني طفل عنده 4 سنين، وعمر هو كمان كان من جمهور محمد رمضان وكل ما أعمل حاجة غلط لجعفر القي الاتنين بيشتموني.
من ناحيته، قال عمر شقيق أوكا: كنت مستغرب من دور مي كساب في المسلسل لأنها في البيت حاجة ولما بنتفرج عليها بنشوف حاجة تانية، ولما كنت بقول لها إيه اللي هيحصل مش بتوافق وتقول لو قلبت قرد مش هقول.
أحدث أعمال مي كساب
من ناحية أخرى، تشارك مي كساب في الموسم الرمضاني المقبل 2023 من خلال مسلسل العتاولة مع النجم أحمد السقا والفنان طارق لطفي وباسم سمرة، ومن إخراج أحمد خالد موسى، وتأليف هشام هلال.
