إحالة سائق اللودر المتهم بإنهاء حياة مهندس التجمع الخامس لمحكمة الجنايات
أحالت جهات التحقيق سائق اللودر المتهم بقتل مهندس التجمع باستخدام جرافة اللودر داخل أحد مواقع الإنشاء بمنطقة التجمع الخامس، بالقاهرة الجديدة، لمحكمة الجنايات، بتهمة القتل العمد مع سبق الإصرار والترصد.
سائق اللودر المتهم بقتل مهندس التجمع
كانت النيابة العامة أخطرت، صباح الخامس عشر من شهر مايو الماضي، بدهس سائق معدةٍ ثقيلةٍ لودر، مهندسًا بموقع بناءٍ تحت الإنشاء، باستخدام جرافتها، وتم ضبط المتهم واللودر المستخدم في الجريمة.
واستهلتها بالانتقال لمسرح الواقعة لمعاينته ومناظرة جثمان المجني عليه، واصطحبت عددًا من شهود الواقعة لسؤالهم، واستجوبت المتهم المضبوط الذي أقر بارتكابه الجريمة وأجرى محاكاةً تصويريةً لكيفية ارتكابها.
وكان حاصل أقوال شهود الواقعة في التحقيقات، أن المجني عليه يعمل مهندسًا بالموقع، بينما المتهم يعمل سائقًا به لرفع مخلفات أعمال البناء باستخدام لودرٍ يقوده، وأن المتهم لم يكن يخالط باقي العاملين بالموقع، ولا يوجد أي خلافاتٍ بينه وبين أحدٍ، ولم يسبق رؤية حوارٍ يجري بينه وبين المجني عليه سلفًا أو قبيل الواقعة، ولم تحدث أي مشادةٍ بينهما حينها، وقد تناهى لسمع العاملين بالموقع صراخ المجني عليه فأبصروه ملقًى أرضًا بجوار اللودر غارقًا في دمائه وقد فارق الحياة بعدما صدمه المتهم بجرافته عدة مراتٍ متتابعةٍ، فضبطوه وأبلغوا الشرطة.
وباستجواب المتهم فيما هو منسوب إليه من اتهامٍ أقر بقتله المجني عليه عمدًا مع سبق الإصرار والترصد، وقد توصلت التحريات إلى صحة الواقعة، والاشتباه في معاناة المتهم من مرضٍ نفسيٍ.
وقال المتهم أمام جهات التحقيق: اللي حصل إني من صغري بيتعملى أعمال سفلية، ومش عارف أخلص منها لحد دلوقتي، ولما رحت الموقع من 10 أو 11 يوما شوفت المهندس فادي، وکنت بحاول أتجنبه وامبارح عرفت أنه بتاع أعمال سفلية.
وتابع المتهم: أنا كنت شغال باللودر في الموقع ولقيت ممدوح قاعد مع المهندس فادي قدام العمارة اللي شغال فيها المهندس فادي، وحسيت إنهم بيبصولي وإن المهندس فادي بيتكلم عليا وعايز يمشينني فاستنيت الأستاذ ممدوح يمشي من المكان.
وأردف: أول ما لقيت المهندس فادي ماشي قدام العمارة اللي جنب العمارة، اللي شغال فيها لوحده، رحت له باللودر، وخبطته بسقف سكينة اللودر في صدره من ناحية اليمين فوقع على ضهره، وبعد كده عدلت سكينة اللودر ورفعتها لفوق وخليت السكينة مقلوبة، ونزلت عليه بشفرة السكينة وهي مقلوبة في صدره ورفعتها ونزلت بيها تانی، وبعد كده لقيت واحد بيجرى عليا وبيزعق.
وأضاف المتهم خلال التحقيقات: أنا وقفت عشان كان خلاص نزل من راسه دم كثير ومن ودانه، فتأكدت أنه مات، وفضلت واقف فوق اللودر، وبعد كده الناس نزلتني ودخلوني جوه العمارة لحد ما الأمن جه واستجوبني، وقالي خبطته؟ قولتله اه خبطته قالي عن قصد قولتله اه، ولما سألنى ليه قولتله أنا حسيت إن هو عايز يمشينى من الموقع أو يموتني فأنا قولت أموته ودي موتة بموتة.
