ليلى الشبح: أرملة حلمي بكر كانت بتعذبه وبتطفي السجاير في جسمه
اتهمت المنتجة ليلى الشبح، سماح القرشي أرملة الموسيقار الراحل حلمي بكر بتعذيبه، موضحة أن أرملة الراحل استأجرت بعض البلطجية لأخذ جثمانه ودفنه قبل وصول نجله هشام من أمريكا.
وقالت ليلى الشبح، في لقائها مع القاهرة 24، عقب دفن الموسيقار حلمي بكر: مراته كانت بتعذبه، وكان عنده برنامج في المدينة وسيد عمر المصور راح جابه وحجزته معاه وقفلت عليهم.. وعذبت حلمي وشتمت سيد عمر المصور بتاع المدينة.
وأضافت ليلى الشبح: مراته أساءت له وشتمته قدام سيد عمر، والمصور قالها طيب أنتي قصتك مع جوزك طلعيني من الشقة، راحت شتمته.. أنا مبتواصلش معاها خالص، وأنا زعلت وقولت لحلمي بكر بلاش ترجع لها؛ لأنها عذبته قبل كده، وجابتله بلطجية، وكانت بتولع السجاير وتحرقها في جسمه، ومكنش بيحبها وكان عايش معاها علشان بنته.
وأردفت: جابت بلطجية علشان تاخد الجثمان وتدفنه الساعة 10، واللي حصله ده مينفعش.. ده قيمة وقامة لينا كلنا ومينفعش مراته تعمل كده.
كما علقت ليلى الشبح على أزمة دفن الموسيقار حلمي بكر وعدم دخول الجثمان في ثلاجة حفظ الموتى لمدة 12 ساعة، قائلة: النقيب مصطفى كامل مقصرش، ولكن كان لازم هشام نجل الراحل وأخواته هما اللي يكونوا موجودين.. وقبل كده مرات حلمي جابت لأحمد أخوه الراحل بلطجية، وكانت بينهم خناقات.
دفن جثمان حلمي بكر
ودفن جثمان الموسيقار حلمي بكر، اليوم، في مقابر الوفاء والأمل، حيث ألقى نجله النظرة الأخيرة عليه، وسط بكاء ابنته الصغيرة التي تدعى ريهام، حيث حاول المشيعون تهدئتهما ومواساتهما في أزمتهما لحظة تشييع جثمان والدهما لمثواه الأخير.
