أورتيجا: نجاحي أنا وأوكا عشان صدقنا نفسنا كفنانين.. والناس الجديدة ماشية على خطتنا
كشف مطرب المهرجانات أورتيجا عن سبب النجاح الساحق الذي حققه منذ بداياته مع أوكا، مشيرًا إلى أنهما تعرضا في البداية لانتقادات كثيرة من الجمهور.
وتحدث أورتيجا خلاء لقائه مع القاهرة 24، قائلًا: احنا كنا حالة مختلفة، وفي البداية كان الجمهور بيقول لينا انتوا فترة وهتنتهي، بس أنا وأكا كنا بنفهم في الراب أوي، من حيث شكله عامل ازاي، وقدرنا نجمع ده في المهرجانات، والناس اتقبلته، معقبًا: دي كانت حاجة جديدة طالعة على المجتمع، وعيالنا بيسمعوا ناس بتسف واحنا مكنش ده هدفنا ولا ان في ناس تسف ولا حاجه، وكنا بنعمل مزيكا انها تطلع كده كل فترة حاجه عاديه يعني.
وأردف أورتيجا حديثه: الناس ركبت على الاين بتاعنا وأنا أحب الناس اللي تركب على الاين دي تكون، راكبة عشان بتحب الفن مش عشان الفلوس، وربنا كرمك ماتدخلش اعمل ترند بالحته دي،.
أورتيجا: احنا نجحنا في فترة مكنش فيها حاجه اسمها سوشيال ميديا
وأضاف أورتيجا: احنا نجحنا في فترة مكنش في حاجة اسمها سوشيال ميديا، والشارع المصري هو سبب وصولنا، والناس الجديدة ماشيين على البلان بتاعنا من غير أي تطورات.
وفي سياق آخر، أكد أورتيجا أنه طوال مسيرته الغنائية لم يندم على أي عمل غنائي طرحه، سوى أغنية بعنوان هاتي بوسة يا بت، قائلًا: أنا ندمان على تراك هاتي بوسة يا بت، ومكنتش أعرف أن المهرجان ده هيتشهر أوي كدا، ولما ربنا شاور علينا ونجحنا بدأنا نركز أكتر في كلام التراكات، إنما كلام المهرجانات الأيام دي عدت تراك هاتي بوسة يابت.
