بسمة وهبة: مصطفى كامل مش نمبر 1 في صناعة الغنوة.. وأحمد السعدني خاف يطلع معايا| فيديو
كشفت الإعلامية بسمة وهبة، حقيقة استخفافها بتصريح الفنان مصطفى كامل ببرنامجها العرافة، والذي قال فيه إنه نمبر 1 في صناعة الغنوة، مؤكدة أنها تحترم نقيب الموسيقيين.
وأوضحت بسمة وهبة في حوارها مع القاهرة 24، أنها لا تقصد الاستخفاف أو التقليل من تصريح نقيب الموسيقيين الفنان مصطفى كامل معاها ببرنامجها العرافة، معقبة: أنا مش ممكن أتريق أو استخف بمصطفى كامل.
وأضافت بسمة وهبة: مصطفى كامل له كل الاحترام والتقدير، بس ممكن ميكنش نمبر 1 في صناعة الغنوة، أنا شايفة أنه مش نمبر 1، عشان كدا لما قال أنا نمبر 1 قولتله عدي، ودا مش تنمر ولا استخفاف، قولتله عدي عشان أنا بحبه.
بسمة وهبة مازحة: أحمد السعدني خايف يطلع معايا
وكشفت الإعلامية بسمة وهبة، رأيها في خوف بعض النجوم الظهور ضيوفًا في برنامجها العرافة بسبب عدم الإدلاء بتصريحات قد تسبب لهم أزمات مع زملائهم، موضحة: أنا مضربش الضيوف على أيدهم عشان يقولوا الكلام، بس فيه ناس بتخاف تيجي، أحمد السعدني بعتله قبل كدا يطلع معايا قالي يا ماما بخاف منك.
بسمة وهبة عن أزمة بوسي وهشام ربيع: كفاية فضايح على السوشيال ميديا
وعلقت الإعلامية بسمة وهبة على أزمة خلافات بوسي وطليقها هشام ربيع، بعد تبادل التصريحات بينهما، إذ قالت: بتمنى أن موضوع بوسي وهشام ربيع كفاية بقا، وبوسي لما طلعت معايا اتكلمت عليه بطريقة حلوة، وأنا سألتها الأسئلة بدل من هشام، يعني أنا كنت لسان الطرف الآخر، وكفاية بقا فضايح على السوشيال ميديا.
