أبرز تصريحات ياسمين رئيس: أنا فلسطينية ومش من حقي أزور بلدي.. وسامحت كتير في الخيانة
كشفت الفنانة ياسمين رئيس، خلال تصريحات تلفزيونية، عن بعض من أسرار حياتها الشخصية، بجانب حديثها عن معاناتها بعد وفاة والدتها، مشيرة إلى أن ذلك كان سببا في تغيير شخصيتها، وسبب منعها من زيارة موطنها الأصلي فلسطين.
أبرز تصريحات ياسمين رئيس
- مريت بمواقف كتيرة في حياتي، وفي مواقف بتخلي الشخص يغير قراراته، وحصلي أكتر من مرة، وأول مرة لما خدت قرار أني هكمل في شغلي، بعيد عن الموديل وقولت خلاص مش هكمل.
-وقفت قدام نفسي في المراية، وقولتلها حاولي لأخر مرة عشان ماتحسيش إنك قصرتي في حق نفسك في تحقيق حلمك، ونصحت نفسي وقولت ليها محدش يستاهل تنامي على المخدة معيطة.
-سنة الكورونا كانت صعبة بالنسبالي، بسبب تعب والدتي وإنها توفت في السنة دي، وكل المواقف دي عملت ليا تغير في شخصيتي، وإني لازم أحضن إخواتي، ومش قادرة أتغير وأكون عيلة معاهم.
-أنا بسجل اعتراضي ديمًا على حاجات ناس مقتنعة بيها، وبفكرهم أني امرأة وليا رأي في أي حاجه مش عجباني.
- كنت ماشية مرة في الشارع بعربيتي ولقيت ولد ماسك إيد بنت افتكرته بيضربها نسيت نفسي ووقفت السواق ونزلت، شدتيه وقولتله بتضربها ليه؟ لقيتهم بيقولي إحنا عارفينك، ومكنتش أعرف وقتها إني معروفة.
-أنا معرفش ليه الناس اتضايقت مني لما اتكلمت وقولت رأيي على حنين حسام وأن البنت دي عملت حاجة غلط، ودا بيوري إن أي خد هيغلط هيتعاقب.
-أزمتي في المجتمع مع المرأة إن لسه لينا حقوق وحاجات كتير مخدنهاش زي المساواة في الأجور والفرص، وإحنا عندنا مشاكل لسه وفي لسه لينا قوانين محتاجينها، وأنا زيي زي أي ست عندي مشاكل في الفرص والأجور وسعيدة إني ست.
- عمري ما خنت وسامحت في الخيانة كتير، ووقت الانفصال دا ترتيب من عند ربنا، محدش بيتدخل فيه، والبيوت أسرار.
- أنا فلسطينية من يافا، وفكرت أزور فلسطين، ولكن مش من حقي، لأن أهلى خرجوا من 48 سنة، وهما من المحرومين من حق العودة، وملفهم أكبر ملف في الأمم المتحدة، وتصريحي اترفض 3 مرات للزيارة.
-في ناس كتيرة كانت مبسوطة بمشاركتي في كليب حبيبتي افتحي شباكك أنا جيت مع المطرب حسن شاكوش، وفي اللي اتضايق، وده لم يؤثر على عملي، وعملت الكليب ده عشان انبسط وكان نفسي صوتي يكون حلو وأكون مطربة.
آخر أعمال ياسمين رئيس
وكانت آخر أعمال ياسمين رئيس مشاركتها في فيلم أنا لحبيبي، والذي دارت أحداثه في أطار رومانسي، وشارك فيه كل من: كريم فهمي، محمد الشرنوبي، سوسن بدر، بيومي فؤاد، وهو من تأليف محمود زهران وتحت قيادة المخرج هادي الباجوري.
