علي الحجار يهاجم منظمات حقوق الإنسان: مش قادرين يتكلموا عن مجازر إسرائيل في فلسطين لكن ربنا قادر
هاجم المطرب علي الحجار منظمات حقوق الإنسان، بسبب موقفهم تجاه الفلسطينيين، حيث أشار إلى أن هناك حالة صمت وتجاهل كبير في حق أشقائنا في غزة، من قِبل هذه المنظمات، في المقابل عندما تخطأ إحدى الدول لا يكفون عن مهاجمتها لكن في حالة ارتكاب إسرائيل للمجازر يصمتون.
وتحدث علي الحجار عن هذا الأمر، خلال لقائه مع القاهرة 24، قائلا: مش قادرين بتوع حقوق الإنسان يحقوقوا هدفهم في العالم بالتحديد مع إسرائيل، بيلوموا كل دول العالم لو حصل خطأ في حقوق الإنسان، لكن يجوا على كل المجازر اللي إسرائيل بتعملها في حق الفلسطينيين، المستوطنات اللي بتتبني كل شوية يمشوا الناس وياخدوا مكانهم ويقتلوا في الناس.
علي الحجار يهاجم منظمات حقوق الإنسان
وتابع علي الحجار مستنكرًا: بيبقا في ثورات أطفال يعملوها، ويقتلوا في الأطفال عادي جدًا محدش بيلومهم، مهما نديت بإن إسرائيل دولة ظالمة، وأطالب بوقفها عند حدها محدش هيسمع، لأن إسرائيل بقت نووي ممنوع في الشرق الأوسط ما عدا إسرائيل، إزاي سايبينها كدة ؟!، بنضطر في الآخر نعمل زي أجدادنا وأمهاتنا ونقول ربنا قادر.
وفي السياق ذاته، كان كشف علي الحجار لأول مرة، عن تفاصيل تلقيه عروضًا لتقديم حفلات في إسرائيل، حيث قال خلال لقائه مع القاهرة 24 إنه رفض أن يمس باسبوره المصري أيضًا ضابط إسرائيلي ويلوثه، واصفًا إياهم بـ الشياطين معلقًا: أنا مبتغريش بالمال، وجات لي حفلات في إسرائيل بملايين رفضتها، كانت بتكون تحت باند إني هغني لفلسطين، وأنا داخل هيمسك باسبوري ضابط فلسطيني لكن مش هيعديني من البلد غير لما ضابط إسرائيلي يمسك باسبوري، وأنا مش عايز باسبوري المصري يتلوث.. دول شياطين.
