طارق الشيخ: مينفعش نساوي بين الأغنية الشعبية والمهرجانات
كشف المطرب الشعبي طارق الشيخ رأيه في أغاني المهرجانات، رافضًا تشبيه المهرجان بالأغنية الشعبية.
وقال طارق الشيخ في لقائه مع القاهرة 24: الخلط بين الأغنية الشعبية والمهرجان شيء سيء، ومش هيتساوى ده بده، لأن الأغنية الشعبية لحد دلوقتي بتتسمع في البيوت لكن المهرجانات سوري في اللفظ، وبتوع المهرجانات كل يوم بينزلوا أغاني علشان هما كتير ومفيش حد بابا المجال، لكن أنا أحب اللي يغني كويس ويغني كلمة كويسة.
وأضاف طارق الشيخ: المهرجانات ظاهرة وهتروح لحالها وكل واحد بيسجل خمس أغاني وبينزل أغنية كل أسبوع وده مكانش موجود.
على جانب آخر، تحدث طارق الشيخ عن تفاصيل أغنيته الجديدة بعنوان حد سكة، والتي يتعاون فيها لأول مرة مع المطرب والـ DJ السوري وسام هلال، ومن المقرر طرحها الليلة، وهي من كلمات محمد إبراهيم وألحان إسلام عاطف وتوزيع موزع روسي اسمه سيرجي.
وأشار طارق الشيخ إلى أنه أعجب بنوع المزيكا ولم يتردد في تقديمها، مردفًا: أنا مع التجديد.. لازم كل مدى ندي الجمهور حاجة جديدة.
ويقدم المطرب الشعبي طارق الشيخ شكل مختلف في الأغاني، من خلال مغامرة الموسيقى الإلكترونية والهاوس EDM لأول مرة، ويضع فيها وسام هلال لمسته الفنية كدي جي وموزع موسيقي إلكترونيك.
