عبده الوزير: نور الشريف راقب السواقين في إمبابة عشان يصور سواق الأتوبيس
كشف الفنان عبده الوزير، عن تفاصيل جمعته بـ الفنان الراحل نور الشريف، خلال تصوير فيلم سواق الأتوبيس، مشيرًا إلى أن هذا العمل حقق نجاحا كبيرا لتدقيق الفنان الراحل نور الشريف في بعض التفاصيل الهامة له.
عبده الوزير: نور الشريف حرفجي تمثيل
وقال عبده الوزير خلال لقائه مع القاهرة 24: نور الشريف من الممثلين اللي مفيش فيه حاجة مش موجودة داخليا وخارجيا وهو حرفجي تمثيل.
وعن موقف بينهم في فيلم سواق الأتوبيس، قال عبده الوزير: في فيلم سواق الأتوبيس الفنان نور الشريف كان بياخد حمدي أخويا على موقف الأتوبيسات بـ إمبابة عشان يتعلم منهم ويشوف سواق الأتوبيس بيمشي إزاي وبيقول أيه للناس عشان كده الفيلم حصل على سبع جوائز لأنه عمل كامل وليه رسالة فنية كبيرة.
وفي سياق آخر كشف الفنان عبده الوزير عن سبب غيابه الفني عن الساحة لمدة 18 عامًا، إذ أشار إلى أن لديه عزة نفس ولا يطلب من أحد أن يرشحه في عمل مهما مر بظروف عصيبة، كما أوضح أنه قضى هذه المدة في منزله بعيدًا عن الأضواء، لكن دائمًا كان يتابع ويشاهد جميع الأعمال الفنية التي تقدم على الشاشات.
وقال عبده الوزير في تصريحاته مع القاهرة 24: أنا موجود والحمد لله عندي رصيد فني قدمت 73 مسلسى 22 فيلما 125 مسرحية، ومسألة التوقف مش بتاعتي، لا أنا من الفنانين اللي بيروحوا يشيلوا شنط منتجين ولا مخرجين، ولا من الفنانين اللي بيكتبوا على الفيس بوك عايز أشتغل.
