المحكمة تواجه سعد الصغير بحيازة وتعاطي المخدرات.. والمطرب: بتعاطى ترامادول عشان عيان ولو بشرب حشيش اعدموني
وجّهت هيئة محكمة جنايات شمال القاهرة، المنعقدة بالعباسية سؤالًا للمطرب الشعبي سعد الصغير المتهم بحيازة المخدرات في هيئة 9 سجائر فيب تحتوي على الحشيش والترامادول، والتي عثر عليها داخل حقائبه بمطار القاهرة أثناء عودته من أمريكا، قائلة: انت كان معاك مخدرات في الشنط وانت راجع من أمريكا يا سعد؟.
المحكمة تواجه سعد الصغير بحيازة وتعاطي المخدرات
وأجاب سعد الصغير على سؤال هيئة المحكمة بحيازته للمخدرات داخل حقائبه بالإنكار وقال: محصلش وأنا مكنتش أعرف أن فيها مخدرات، دول كام سيجارة إلكترونية حد كان اداهمني هدية، وأنا معرفش إن فيهم حشيش.
ووجهت المحكمة سؤالا آخر لسعد الصغير عن تهمة تعاطيه المواد المخدرة من الحشيش والترامادول، وأجاب سعد، أنا مش بشرب حتى السيجارة، ولو بشرب حشيش اعدموني، أنا بتعاطى ترامادول عشان عيان ومعايا شهادة طبية تثبت صحة كلامي.
وفي وقت سابق، استمع رجال التحقيق بالنيابة العامة إلى اعترافات سعد الصغير، في اتهامه بحيازة المواد المخدرة، وبسؤاله عن سبب قيام منظم الحفلة بإعطائه تلك السجائر الإلكترونية؟ أجاب: هو أدهالي هدية وقالي فرقها على الفرقة بتاعتك عشان هو عارف إني مش بشرب سجائر فانا أخدتهم منه.
اعترافات سعد الصغير في قضية تعاطي المخدرات
وجاءت اعترافات سعد الصغير في قضية تعاطي المخدرات على النحو التالي:
س: ما محتوى تلك الأجهزة للسجائر الإلكترونية؟
ج: هي جواها فيب بنكهات وروائح مختلفة عنب وتفاح وحاجات كده، وأنا مسألتوش ده عبارة عن إيه لأني كده كده مش بشرب سجاير وكنت فاكرها سجاير عادية.
س: صف لنا مكان وضعك لتلك الأجهزة للسجائر الإلكترونية بحقيبتك؟
ج: كانوا مع لبسي في الشنطة لأنها أصلا شنطة مش كبيرة واتفتشت وأنا مسافر من أمريكا، واتفتشت وأنا في الدوحة واتفتشت كمان لما جيت مصر.
س: وما قصدك من إحراز تلك الأجهزة للسجائر الإلكترونية إذًا؟ ج: كنت فاكرها سجائر عادية فيب، وكنت هديهم للفرقة بتاعتي هنا على سبيل الهدية.
س: وكيف تم ضبطك؟ ج: أول ما وصلت فتشوا الشنطة بتاعتي وخدوا تسعة من سجائر الفيب وقالولي التسعة دول ريحتهم مش كويسة وعملولي محضر بيهم.
