شقى عمري راح.. حريق يلتهم فدان ونصف من قش الأرز بالدقهلية والمالك: خسرت 6 مليون و200 ألف جنيه
شهدت قرية عزبة السبع التابعة لمركز دكرنس في محافظة الدقهلية، حريقا هائلا التهم حوالي فدان ونصف من قش الأرز.
شقي عمري راح..حريق يلتهم فدانا ونصف من قش أرز بالدقهلية.. والمالك: خسرت 6 مليون و200 ألف جنيه
شقي عمري راح..بهذه الكلمات بدأ مدحت البيومي حديثه مع القاهرة 24 قائلًا: أنا أمتلك أرضا علي مساحة فدان ونصف عبارة عن شونة قش أرز بجمعه من الفلاحين لتصنيع علف المواشي وكنت في بداية الموسم.
وأضاف البيومي: يوم الحريق كان جاري موجود في أرضه وحاول منع العمال من الشغل وتعطيلهم عن العمل بسب خلافات سابقة بيننا، والعمال بالفعل روحت بعد المغرب ولكن بعدها بأقل من ساعة سمعنا إن فيه حريق في الشونة جيت لقيت النار كلت الشونة بأكملها من 2300 طن قش أرز تبقي فقط 35 بكرة قش أرز.
وتابع: أنا بعت جرار وأرض وعربية تقريبا كل أملاكي علشان أجمع الشونة، في لحظة كل حاجة كانت تراب، والشونة بتصرف علي أكثر من 40 عاملا بيوتنا خربت.
واستكمل: أحد شهود العيان شافوا جاري بيشعل النيران، وحاول يجري وراه، ولكن جري، وحررت محضرا بتهمه بالتسبب في ذلك، خسرتي تجاوزت الـ 6 مليون و200 ألف جنيه.
وختم: مش عايز غير حقي لأن أنا خسرت كل ما أملك في هذا الحريق.
