أحمد شوبير: عصام الحضري بيقلل من ابني مصطفى كل ما تيجي سيرته
قال الإعلامي أحمد شوبير، إنه دائما ما يذكر حارس المنتخب والأهلي السابق عصام الحضري بأنه أسطورة وحارس عملاق، معقبًا: ولكن كل ما تيجي سيرة مصطفى شوبير بحس أنه بيحاول يقلل منه.
أحمد شوبير: إحساسي عصام الحضري بيقلل من ابني مصطفى كل ما تيجي سيرته
وأضاف أحمد شوبير في تصريحات تلفزيونية، أنه شاهد عصام الحضري أكثر من مرة خلال لقاءات تلفزيونية ويشعر بالاستغراب من سبب محاولة الحضري التقليل من مصطفى، متابعا: بقوله ليه كده وممكن يكون إحساسي غلط وممكن يكون إحساسي احساس أب أو مشجع أو ناقد.
واستكمل: حسيت بهذا الشعور وعشان كده بقوله ليه يا حضري فلو خرج يرد ويوضح وأقوله صح وكلامك تمام وميخدش بس كلامي خناقة.
وتابع شوبير، أنه لا يهتم بالتريند في عمله ولا يضرب سوى في المناطق المشروعة فقط ولا يستخدم استراتيجية الضرب تحت الحزام، قائلا: أنا بشتغل لصالح شغلي مش لصالح حد وأحب أنجح في شغلي ومشكلتي أني صريح زيادة عن اللازم.
واختتم: كل أسبوع بطلع مرتين تلاتة ترند وببقى فرحان جدا لما كل المشجعين والأطياف يتابعوني ولما انتقد ممكن يكون النقد صح.
