طارق عبد الحليم: كزبرة آية من آيات ربنا.. والمطربين اللي كانوا مش بيردوا عليه هيتشلوا من نجاحه
أكد المطرب طارق عبد الحليم، أن نجاح مطرب المهرجانات الشعبية والممثل الصاعد أحمد بحر الشهير بـ كزبرة آية من آيات ربنا، مشيرًا إلى أن كثيرا من المطربين تجاهلوه في البداية.
وقال طارق عبد الحليم خلال لقائه مع القاهرة 24: كزبرة آية من آيات ربنا ونجاحه بيوضح إن ممكن حالك يتغير في لحظة بالرغم أن ممكن ميكونش عندك أي مقومات بس هي بتاعة ربنا.
وتابع طارق عبد الحليم: المطربين اللي كانوا مش بيردوا عليه هيتشلوا من نجاحه، لكن الأكيد أن هو اجتهد وكان بار بأمه، وأنا مبسوط لنجاح ومكسر الدنيا في التمثيل.
ومن جانبه، رد مطرب المهرجانات كزبرة مؤخرًا على سخرية الفنان محمد رمضان من اسمه، وذلك بعد الخلاف الذي وقع بينهما قائلًا: إحنا مش في عطارة، معربًا عن استيائه بسبب هذه السخرية.
كزبرة يرد على سخرية محمد رمضان: مش عارف أفرح بنجاحي.. عايز أبقى طيب وفي حالي
وكتب كزبرة عبر ستوري حسابه الشخصي بموقع إنستجرام: والله يا جماعة الكلام ده نفسي أقوله من بدري بس حاسس إنه وقته، أنا مش عارف ليه كل ما أنجح في ناس بتحاول تطلع صورتي وحشة، أنا بجد نفسيًا مبقتش قادر وبقالي فترة كبيرة كل لما أعمل حاجة حلوة مبقتش عارف أتبسط بيها ونفسيًا مش أحسن حاجة.
وتابع كزبرة: ربنا اللي عالم الواحد كل اللي يهمه إنه يقدم حاجة تعجبكم وتسعدكم، بس في ناس بتتعامل مع اللي بيقدم حاجة كوميدية على أساس أنه شخص تافه مش موهوب، والواحد عشان بيتعامل بطبيعته ومش بيتصنع بتحاولوا تشوفوا إزاي تطلعوا في عيب قدام جمهوره وإخواته اللي بيحبوه.
