طارق عبد الحليم: حافظ 3 أجزاء من القرآن وجربت أجوده لقتني بغنيه
كشف المطرب طارق عبد الحليم عن إمكانية تسجيله للقرآن الكريم بصوته كصدقة جارية، موضحًا أنه لا يحب الإفصاح عن الأمور الدينية لأنه يعتبرها خاصة بينه وبين الله ولا يحق لأحد التدخل بها.
وقال طارق عبد الحليم في لقائه مع القاهرة 24: أنا بقرأ القرآن لنفسي وبين نفسي، لأني مبجودش فيه، أنا برتله ترتيل عادي، لأن قراءة القرآن لها دراسة ولها بحر وتجويد، أنا بقرأ زي كل الناس.
وأضاف طارق عبد الحليم: مش علشان أنا مطرب يبقى هعرف أقرأ بالتجويد، حاولت ولقتني بغني القرآن، قلت لأ أنا هتهبل ولا إيه؟.. اللي بيني وبين ربنا ليا وأنا حافظ 3 أجزاء من القرآن، ولو سجلت القرآن الكريم بصوتي هيكون ليا مش للنشر للجمهور.
طارق عبد الحليم: كزبرة آية من آيات ربنا
وعلى جانب آخر، تحدث المطرب طارق عبد الحليم، عن نجاح مطرب المهرجانات الشعبية والممثل الصاعد أحمد بحر الشهير بـ كزبرة، قائلًا: كزبرة آية من آيات ربنا ونجاحه بيوضح إن ممكن حالك يتغير في لحظة بالرغم أن ممكن ميكونش عندك أي مقومات بس هي بتاعة ربنا، المطربين اللي كانوا مش بيردوا عليه هيتشلوا من نجاحه، لكن الأكيد أن هو اجتهد وكان بار بأمه، وأنا مبسوط لنجاح ومكسر الدنيا في التمثيل.
