شقيق شعبان عبد الرحيم يتعرض لوعكة صحية ويخضع لعملية في القلب
أعلن المطرب الشعبي عصام شعبان عبدالرحيم، تعرض عمه لوعكة صحية مفاجئة، طالبًا من الجمهور الدعاء له.
شقيق شعبان عبد الرحيم يتعرض لوعكة صحية ويخضع لعملية في القلب
قال عصام شعبان عبد الرحيم في تصريح خاص لـ القاهرة 24، إن عمه تعرض لوعكة صحية ما استلزم خضوعه لعملية في القلب، مشيرًا إلى أنه لا يزال يتابع مع الطبيب.
وفي سياق منفصل تحدث عصام شعبان عبد الرحيم مؤخرًا، عن رأيه في مطربي المهرجانات، ومنهم حمو بيكا، مشيرًا إلى أنهم يقلدون والده الراحل.
وأضاف عصام شعبان عبد الرحيم، في تصريحات تليفزيونية: أي واحد نفسه ياكل عيش ويقلد أبويا؛ هشيله فوق دماغي وأسقف له، محمد رمضان بنفسه، اللي هو بطل، مش أي واحد يعني، بيلبس زي أبويا بالظبط.
وأشار إلى أنه حريص على ارتداء نفس استايل والده، قائلًا: بلبس من أشرف فجلة اللي كان أبويا بيلبس من عنده، وكل العيال اللي موجودة، حمو وغيره، بيقلدوا أبويا.
ولفت إلى أنه لا يشعر بالضيق من تقليد البعض لوالده، لكنه يستاء من اصطناعة طريقة والده، قائلًا: مش بيضايقني أي واحد بيقلده، بالعكس، هحترمه وأحبه، لكن مش بحب حد يصطنع التلقائية، أبويا كان طيب حقيقي، ما ينفعش واحد يعمل طيب ويشبهُه بأنه ابن أو حفيد شعبان، زي ما قالوا عن حمو بيكا؛ لأنه كان بيعمل شوية حركات مصطنعة، ويطلع بيها قدام الناس، لكن أنا أبويا مكانش بيصطنع أي حاجة.
