هاني الدقاق يقدم أغنية جديدة في إعلان لصالح أحد المستشفيات الخيرية برمضان 2025
يستعد الفنان هاني الدقاق، لتسجيل أغنية دعائية خاصة بإعلان جديد في رمضان 2025، لصالح أحد المستشفيات الخيرية الكبرى.
وعلم القاهرة 24 من مصادره، أن الفنان هاني الدقاق يقدم أغنية في إعلان جديد برمضان 2025، وسيكون هذا الإعلان مليئًا بالمفاجآت بمشاركة عدد من نجوم الفن وسينال الإعلان إعجاب الجمهور.
هاني الدقاق يتحدث عن منافسة بين فرقة مسار إجباري وفرقة كايروكي
وفي سياق آخر، كشف هاني الدقاق مؤخرًا إمكانية مشاركة فريق مسار إجباري في ديو غنائي مع مطربين الراب، بجانب الحديث عن رأيه في فكرة المنافسة بين فرقته وفرقة كايروكي.
وقال هاني الدقاق خلال لقائه مع القاهرة 24: إحنا كفرقة مسار إجباري بنسمع كل أنواع المزيكا بنحب نسمع راب، أغلبية الناس اللي موجودين في الراب دلوقتي عفرتو وويجز وبابلو كلهم الحقيقة عندهم أغاني كويسة جدَا، وإحنا بنتبسط لو لقينا أغنية مناسبة نعملها معاهم.
وعن ديو الغنائي الذي جمعهم مع المطرب دياب، تابع هاني الدقاق قائلًا: الفنان دياب من الشخصيات اللطيفة اللي ممكن تتعرفي عليها في حياتك، وإحنا حابين جدًا نشتغل مع كل الحاجات فاتبسطنا لما عجبته الأغنية.
ورد هاني الدقاق على فكرة وجود منافسة بين فرقة مسار إجباري وفرقة كايروكي، حيث أوضح: المنافسة جميلة اليومين دول لإن كل واحد بيجيب أخره وإحنا كلنا سن واحد وبنحب بعض واتعرفنا على بعض سواء في حفلة قبل كده، بنغير لما حد بيعمل حاجة حلوة بس بنشجعه جدًا عليها وأنا شايفها حاجة صحية وأتمنى تفضل مستمرة.
