ريم البارودي: مقبلش أتجوز راجل بيلبس حلق.. كانت غلطة وندمانة عليها
علقت الفنانة ريم البارودي، على ظاهرة ارتداء الرجال لـ أقراط الأذن (الحلق)، معربة عن استيائها الشديد بسبب تقليد الغرب.
وقالت ريم البارودي في لقائها مع الإعلامي عمرو الليثي، في برنامجه واحد من الناس، المذاع عبر شاشة قناة الحياة: الراجل يلبس حلق دي ظاهرة مش صحيحة ولا صحية لأن فيه أجيال طالعة، أنا دلوقتي ولاد أختي عندهم 10 سنين محبش أنهم يشوفوا رجالة بتلبس حلقان، وإحنا مش أوروبا عشان نقلد لازم نحافظ على هويتنا.
وأضافت ريم البارودي: معرفش ليه إحنا بنقلد الغرب في الغلط، وأنا محبش أشوف راجل لابس حلق زيي، ومقبلش أتجوز حد بيلبس حلق، دي غلطة وندمانة عليها.
ريم البارودي تكشف عن زيجتها الثانية لأول مرة
كما كشفت الفنانة ريم البارودي، لأول مرة عن زيجتها الثانية، رافضة الحديث عن زوجها الأول الفنان أحمد سعد، قائلة: مش عايزة أتكلم عن زوجي الأول، الجوازة التانية أحلى طبعًا مفيش مقارنة بالأولى مع أنها انتهت بالانفصال، وأنا بعد ارتباطي بزوجي السابق وهو فنان معروف وكانت الخلافات مشاع قدام الناس أنا قررت أني مش هتكلم في الحاجات دي تاني.
وتحدثت ريم البارودي، عن سبب غياب زملائها وزميلاتها في الوسط الفني عن تقديم واجب العزاء في وفاة والدها، إذ قالت: كل واحد عنده مشغولاياته وأسبابه، وهناك من تواصل معي تليفونيا وناس تانيين جاءوا العزاء مكنتش متوقعة حضورهم.
